[A:223]dag bka' drin bskyangs shing / ma 'gyangs par nged rang la dpal sa skya'i chos srid 'dzin skyong gi bka' slob bod yul che grwa phal cher gyis mdzad pa dang / khyad par rnams 'dren dam pa 'di nyid dang 'jam mgon dpal ldan chos skyong gnyis nas blo rmongs bdag cag la zhib gsed kyi bka' stsal te/ yang tig dpal sa skya'i gong ma rdo rje 'chang dang zhal mi gnyis pa de dag gi thugs kyi dgongs pa ji lta ba bzhin 'grub pa zhig byung na ci ma rung dgongs pa'i thugs bskyed kho nas rang gzhan bstan 'gro yongs la dge ba'i bslab bya yang dag par stsal ba'i bka' shog rin po che da lta lag yod 'di rnams dpyod ldan gyis mthong tshe dad 'dod yid ches kyi mos pa dbang med du skye bar 'gyur ro/ /de nas sum ldan rdo rje 'dzin pa blo bzang bsod nams de nyid kyi drung nas rgyal dbang thams cad mkhyen pa lnga pa chen po'i bka' 'bum 'phro rnams gsan bzhed dang / lhag par bstan pa yongs rdzogs kyi mgon du gyur pa lcang skya mchog sprul rin po che'i mjal phyag sogs la lha ldan du chibs bsgyur zhing pheb lam du bsam yas su rab byung grwa tshang gis gdan drangs te cho ga dang 'brel ba'i zhabs brtan 'bul nod rgyas par zhus/ khrom dbang dang mang 'gyed kyang stsal/ rdo rje 'dzin pa blo bzang bsod nams drung de nyid la sger gzhung du ma'i rim gro mang po mdzad dgos mur bro 'tshal ba je lod kyi mthar gshegs pas bka' chos gsan pa'i gegs su gyur/ lcang skya mchog sprul rin po che'i mjal phyag kyang che rgu gzhan gyis mjal phyag rnams grub mtshams su gnang bzhed la