[A:225]nub pa dang / me tog ldum ra sogs kyis mtshon yon bdag rnams la'ang so so'i 'dod chos ci rigs par stsal/ gter ston chen po kun bzang bde chen rgyal po'i drung nas rtsa gsum bka' 'dus kyi rgyud kyi lung gsan/ bco brgyad nas chos rje sku gzhon pa bsnyen rdzogs mdzad pa'i mtshan ngag dbang kun dga' mkhyen rab sangs rgyas bstan pa'i rgyal mtshan du 'dogs par mdzad cing / kye rdor rgyu dbang lam dbang sogs chos bka' kha shas stsal/ rgyal tshab thams cad mkhyen pa'i sku bcar slob dpon pa dang / mkhan po blo bzang dpal 'bar sogs la/ mgon po khro bcu dang lha brgyad kyi rjes gnang / slob dpon pa la rnam rgyal gra tshang gi 'don chog nas gur zhal/ beg tse gsum gyi gtor bsngo/ bstod bskul/ bskang bshags/ tshogs 'khor bcas kyi lung rnams dang / zur mchog gi sprul sku phrin las blo ldan rgya mtsho sogs nyung shas la snying thig thig le gsang skor gyi dbang lung rnams stsal/ gzhan yang sku gzugs sku 'khrugs kyis zin gshis thugs blos ma 'khyud pa lta bus chos bka' stobs che ba'i rigs gnang ma thub kyang / dbang rjes gnang sogs gcad rgya lta bur bzhugs na ma gtogs gseng dbang cung zad tsam yang mi 'byung ba lags/ de nas chos sdings nas zhi byed kyi dpe rnams g.yar zhu gnang ste/ rig 'dzin skal bzang rnam grol gyi drung nas sngar ding rir gsan ma thub pa'i zhi byed kyi lung rnams 'bul bzhes kyi dbu tshugs/ sngar nas bka' 'gyur bslur ma gnang skabs kyi kha lhag gi ja dang / gzhan yang rta mdzo sogs dngos po gang yod phul ba'i