[A:243]pa so so'i drung na rnal 'byor ma rgyan cha lugs sku mdog phyag mtshan mi 'dra ba re re bzhugs pa'i rdo rje dril bu par nan tan gyis gzigs pas zhabs pus g.yas kyi thad tsam na da lta bris skur 'ong ba'i rnam pa ji lta ba mkha' spyod ma dmar mos 'khyud pa zhig dang / de'i nye skor der mkha' spyod du gshegs pa'i bkod pa 'dug pas thugs rje chen po'i sku zhig kyang yod dgongs nas gzigs pas de'ang gsal bar byung gsung / 'og yul ljongs kyi rnam pa dang / bla ma brgyud pa rnams bzhugs pa'i bar snang shin tu khad 'gyangs pa sngo seng nge ba zhig 'dug par da rang lam 'di la brten nas mkha' spyod du gshegs pa zhig mi 'ong ba 'dra dgongs thugs khral mdzad bzhin pa'i ngang de khar yul ljongs kyi re rtse zhig nas sprin skya thol gyis byung ba bla ma rnams bzhugs pa'i sprin dang 'dres song ba zhig byung bas da dung rang re'i rjes 'jug lam 'di la brten nas mkha' spyod du gshegs pa'ang 'ga' re 'ong ba 'dra gsungs/ gzhan yang rgyal yum rdo rje btsun mo'i gzigs snang ni dngos nyams du mar yang yang 'ong bar nges te/ bka' las/ gsung chos sogs kyis thugs g.yeng gi stabs mkha' spyod ma'i ljags bzlas cung zad g.yel bar gyur na de ma khad rnam 'gyur du mas bskul ba zhig 'ong gin 'dug pas 'di'i bzlas sgom cung zad kyang g.yel mi thub pa 'dug gsung / yar 'brog sgang du rdo rje btsun mo dngos su byon pa sku 'khor zhig sku mdun du 'ong ba'i rkyen gyis yal bar gyur pa'i lo rgyus kyang gnang / dpal 'khor lo bde mchog kyang dzo ki sogs rnam 'gyur du mar sprul nas mnal lam