[A:260] mnga' ris rig 'dzin chen po nas brgyud pa'i tshe sgrub/ rig byed ma'i byin rlabs kyi gsal byed/ dus 'khor sgrub dkyil/ zhi ba'i sbyin sreg /de'i dkyil 'khor tshon tho/ dri med sA chog gi thig rtsa/ rje btsun rdo rje rnal 'byor ma'i sgrub thabs tshigs bcad lhug /dkyil chog /sbyin sreg /mtshams tho bskyed chog dang / cha gsum nag 'gros/ rdzogs chen snying thig /khrid kyi zin bris/ rdo rje nag po chen po zhal bzhi pa'i bstod pa dang / gtor mdos zung 'brel/ sngags drug phyag drug gi zin bris/ rnam sras gtor bsngo/ gtor bskul 'og min bde chen ma'i kha skong zangs gri skor gsum dang / sku lngar tshigs bcad/ rdo rje shugs ldan/ me sna lha btsan/ she'u grong gzhis bdag /she'u grong rgyal po rnams kyi gsol kha/ ras chen dpal 'byor bzang po nas brgyud pa'i 'pho ba/ gong sa mchod yon la zhabs brtan 'bul skabs zhal bzhes zhu ba'i legs bshad/ sgra mdo pA Na'i cho ga'i bsdus don gsung rtsom 'phro can sogs te de dag kyang brjod bya'i don rgya che zhing / rjod byed kyi tshig brling ba/ 'gal 'brel gyi rnam dbye phyed pa/ mkhas blun kun gyi rnar snyan zhing gzung bde ba sogs/ gsung gi gsang ba bsam gyis mi khyab pas 'doms par mdzad pa kho na ste bsdebs legs rtsom pa'i phreng bas kyang bstan 'gro yongs la phan bde'i dpal ster bar mdzad pa zhig go /de ltar sku tshe ril por bstan pa'i rtsa lag 'chad nyan la rtag 'grus su bka' drin bskyangs pas spyi bye brag gi bstan 'gror phan bde spel ba'i byed po bstan 'dzin gyi skyes chen duu ma dang / gsung gi gsang ba