[A:261]'dzin pa'i zhal slob nam mkha'i skar tshogs lta bu mchis pa de dag re re nas 'bri ba ga la langs/ 'on kyang gdul bya rnams kyi dad pa'i gsos su rags rim tsam smos na/ 'dzam gling bstan pa'i mnga' bdag rgyal dbang rdo rje 'chang chen po'i rgyal tshab 'khrul pa'i dri ma zad par spangs shing mtha' dbus bstan 'gro'i nyer 'tsho bla na med pa de mo rin po che ngag dbang 'jam dpal bde legs rgya mtsho/ bdag cag gi drin can rtsa ba'i bla ma dam pa snyigs dus bstan pa'i nyi ma thar rtse rdo rje 'chang nam mkha'i mtshan can/ ris med 'gro ba'i 'dren pa 'jam mgon dpal ldan chos skyong / e waM mkhas pa'i dbang po 'jam dbyangs chos kyi bla ma sangs rgyas ye shes/ zab don nor bu'i bang mdzod brag rtsa rdo rje 'chang blo gsal bstan 'dzin rgya mtsho/ byang chub sems dpa' sems dpa' chen po shar chen chos kyi rje rin chen mi 'gyur rgyal mtshan/ kho bo cag mched/ gzhon nu nyid nas mkhas grub kyi rnam thar bdag gir bzhes pas rdo rje 'chang de nyid kyi thugs sras gces spras su mdzad cing bsngags pa'i me tog yang yang 'thor bar mdzad pa bco brgyad gdung rin po che dga' chen khyab bdag snying po/ lce rigs mkhas grub dam pa'i rgyud las byon pa bco brgyad bla brang gi da lta'i zhal ngo gnyis/ grub dbang thang stong rgyal po'i gdung 'dzin gcung ri bo che pa sku mched/ blo bzang stobs ldan dpal 'byor dang / ngag dbang yang grags/ mthu stobs dbang phyug khams ston sangs rgyas rgya mtsho sogs mdo khams khul gyi bla ma mkhas grub du ma dang / kun mkhyen bkra shis rnam rgyal gyi gdan sa pa bod