[A:264]'dzin mkhas grub du ma/ bshad sgrub kyi sgo nas rgyal ba'i ring lugs spel ba'i dge 'dun gyi sde/ bstan pa'i sbyin bdag rgyal blon sogs skal ldan gyi gdul bya bsam gyis mi khyab pa bskrun par mdzad pa'i rigs can de rnams las/ rab dang phul du gyur pa rnams kyis ni snyigs dus su bstan 'gro spyi dang bye brag la dgos 'dod kyi char ci'ang 'bebs shing / de las zhan pa rnams kyis la las rgyal ba'i bstan pa dang mthun pa'i 'chad nyan dang / la las sgom sgrub/ yang mthar gyur pa rnams kyang dge ba'i bag chags bzang pos dus 'das te/ mdor na rdo rje 'chang chen po de nyid mthong thos dran reg tsam gyis kyang mngon mtho dang nges legs la bkod pa'i rnam par thar pa'ang bsam gyis mi khyab bo/ /de dag gi don bsdu na/ mdo rgyud man ngag rig gnas 'chad la mkhas/ /lung rig 'gal 'brel rtsod dang legs bshad brtsams/ /ris med grub mtha'i bstan 'dzin rgya mtsho bskrun/ /gnas gsar 'jam mgon mkhas pa'i mdzad pa yin/ /zhes so// ! spyi don gsum pa mthar gzugs sku chos dbyings su bsdu ba'i tshul bstan cing / dgongs rdzogs kyi rim pa dang phrin las kyi rgyun ji ltar spel tshul la/ gzugs sku chos dbyings su bsdus tshul dang / dgongs rdzogs spel tshul gnyis las/ dang po ni/ bdag cag lha dang bcas pa'i 'gro ba yongs kyi skyabs mgon dam pa 'di nyid dgung grangs nga bdun du pheb pa lcags pho 'brug lo yan chad du bstan 'gro'i don rlabs po che mdzad pa rnams la thugs dgyes shing / snyigs dus bstan 'gro spyi bye brag gi nyams