[A:266]zhig min kyang shing khyi lor zhing gzhan du gshegs pa dang / ngor chen dpal ldan chos skyong slar yang mdo khams su pheb ste bstan 'gro'i don chen mdzad bzhed de'ang sa yos lor bar chad du song ba dang / 'khon rigs 'dzin pa nged rang gi nu bo rgyan mchog de me glang lor tshe mthar ma phyin zhing / de dag gi sngon du bco brgyad gdung rin po che mkhas grub dam pa myur du 'byung nye de'ang glo bur du gshegs shing / sa skya pa'i gdung nyag phra ba sogs rang lugs la shin tu ya nga ba'i skabs de dag gsungs pa dang chab cig /da ni rang re sa skya pa'i re bar kho bo kho na las med tshul sogs thugs ngal gyi rnam pa dpag med mdzad/ de lta'i skabs/ lha ldan du gsung chos kyi snyan gsan phul ba zhal gyis bzhes pa rnams kyang phal cher rdzogs par mdzad/ sde pa sku tshar yang nyin par gzhung zhabs kyi thugs brel stabs gnang ma thub kyang / nub mo zab chos kyi rigs kyang stsal/ bod phrug chos rje sogs 'dus pa nyung shas la bi ma snying thig gi dbang lung rnams stsal skabs/ nub cig 'od gsal gyi ngang du 'ja' tshon kha dog lnga ldan zhig nam mkha'i dbyings nas sku mdun bar thal ler zug cing / de la cher gyis gzigs pas thugs bde stong gi ngang du cham gyis song ba zhig byung gsungs/ lha ldan du thugs rje chen po rgyal po lugs kyi sku gsum snying po'i don khrid gnang skabs/ kho bo'i rmi lam du stag rtse rgya ra yin snyam pa'i khang pa dang lha khang nged rang gi khri sogs ji lta ba bzhin 'dug par nged rang khang pa'i phyir 'khod kyang rtsig pa sogs la sgrib g.yogs med par zang thal gyis mthong zhing /