[A:276]brjes nas ring bsrel mang po dang / ba~M yig li khri'i mdangs ldan zhig kyang byon zhes gleng / gdung sol dang spur thal rnams la sAtstsha btab ste bzhugs gnas khang bu brtsegs pa'i mchod rten ring bsrel gyi snying po can mtshan nyid dang ldan pa zhig smon dga' rin chen bsam gtan gling du bzhengs shing / rab tu gnas pa'ang grub par bgyis so/ /de dag gi don bsdu na/ zhing 'dir bstan 'gro'i don mang lhun grub nas/ /rtag mtha' sel zhing gzhan don dgongs pa'i tshe/ /ngo mtshar bcas gshegs mchog sprul zhal bzhes mdzad/ /gnas gsar 'jam mgon bla ma'i gshegs tshul yin/ /zhes so/ /gnyis pa ni/ bshad ma thag pa de rnams dang / gzhan yang 'di lo nged rang nas rnam 'dren dam pa de nyid kyi sku drin gsob pa'i ched dang / 'di kha'i sde bstan pa gdung brgyud bcas kyi rim gror dmigs/ snron zla'i zla mjug tsam nas bzung rwa tshar thun mong ma yin pa'i lugs ltar dpal rdo rje 'jigs byed bcu gsum ma'i dkyil 'khor sgrub mchod brgya tshar grangs gsog ste chu stod zla mjug bar la ci 'grub bgyid skabs yin pas/ de dang dus mtshungs zhing khams brjes 'dug pas na dgongs rdzogs kyi rnam pa 'dra mo byung 'dug cing / de nas ma 'gyangs par gro bzhin phur sgrub kyi skabs 'di kha'i shar phyogs brag chung gi ri'i bye ma la bzang ngan brtag dpyad byed srol yod pa ltar/ sngon du chu sprel gro bzhin tshes gsum gyi tho rangs de thad nas ri brag duu ma tsam zhig pas rkyen byas/ chu bya sa ga'i bar ri bkra ngan pa kho nar yod cing / khyad par rmor dgon nas mchod dpon