[A:279]kyis dkyil 'khor sgrub mchod mang po/ dbus gtsang gi sa dgon gtsor gyur gyi dgon khag shin tu mang bar mang skol nyin 'khyongs nas sbyor sbrel bar ci rigs/ yar 'phyong khul gyi dgon sde che phra phal che bar mang skol sbyor sbrel tshar gnyis/ yar klung khul gyi chos sde che phra phal mo cher ser tshogs gnad 'gro'i khyad chos sde so sor bteg pa'i mang ja lnga dang bzhes thug re/ gsol ba yon spyi 'bul sogs gzabs rgyas/ lha ldan smon lam chen mo dang dpal gsang phu ne'u thog tu mang skol sne gzhag bcas sgrub pa'i dgos cha sdom dngul srang stong dang brgyad brgya bdun/ zho dgu/ skar phyed brgyad bcas bsgrubs/ de nas bkra shis chos sder bod 'brug chos rjes gdung rus kyi cho ga sngon du 'gro ba can gyi gdung tsha dri med kyi snying po can dang / gzhan yang sangs rgyas byang sems rtsa ba gsum gyi snang brnyan phon che spar du btab/ gro bzhin zla nang der 'di nas dbus su dgongs rdzogs zhal 'debs 'bul ba dang mang skol do dam par bsod nams don chen ched mngags pa 'khor gdong du/ gdung rus thum po gcig 'di khar pheb pa bzhin nged rang nas sAtstsha dri med kyi snying po can stong dang / chos grwa byang bsnyen song kha shas nas rtsa gsum gyi snang brnyan rigs mi 'dra ba lnga bcu brgal ba'i gdung tsha khri phrag lhag pa nged rang nas rab gnas bgyis te bkra shis chos sder ched rdzong dang / gser dngul spel ma'i gdung khang byang chub chen po'i mchod rten rgyab mtho bcu drug pa phra phul gyis phyug pa dang / gser zangs las grub pa'i rje de nyid kyi 'dra sku sku tshad ma gnyis rgyal tshab rin po cher gsol btab bzhin lha ldan 'dod dpal du zla ba bdun pa'i tshes nyer lnga nas