[A:281]'brug chos rje dang rig 'dzin skal bzang rnam grol sogs dri med kyi dbang lung thob cing / gzhi tshul khrims la gnas pa du mas legs par bsgrubs shing / de dag gi nang bzhugs la rje nyid kyi gdung tsha dri med kyi snying po can stong tsho brgal ba/ bre nang du thugs dam gyi snying po nA ro mkha' spyod kyi snang brnyan li ser las grub pa khyad 'phags/ bdud rtsi ril bu las grub pa'i dgyes pa rdo rje'i sku brnyan sogs du ma dang / seng khrir bsil ba tshal gyi rdo nag las grub pa'i nag po chen po'i snang brnyan/ bang mdzod du rje de nyid kyi thugs dam rten rgyal chen rnam sras kyi sku sogs rtsa gsum gyi snang brnyan bsam gyis mi khyab pa/ gsung rten rtsa rgyud brtag gnyis/ lam 'bras rdo rje'i tshig rkang / 'jam sdud bzang gsum/ yum rgyas 'bring bsdus gsum sogs mdo sngags kyi glegs bam du ma/ gsung ngag bla brgyud sogs dbu zhabs bar gsum gyi gzungs gzhug chos sku'i ring bsrel phon che ba/ kun la thugs dgongs rdzogs pa dang mchog sprul myur 'byon gyi 'dod gsol spel tshig sbyar ba dri bzang gis legs par byugs shing na bza' ser po sha stag gis spras pa/ sku gdung sku bal sogs byin rten skor la de bzhin gshegs pa gser thub dang / shAkya'i rgyal po/ shA ri'i bu sogs kyi ring bsrel mang po/ chos kyi rgyal po 'phags pa rin po che'i tshems yid bzhin gyi nor bu khungs btsun/ rig 'dzin shrI sidha'i dbu skyes sogs dbu skyes dang / tshems phreng mang po/ thams cad mkhyen pa dkon mchog lhun grub/ mkhan chen gzhon nu'i mtshan can/ skyabs mgon dam pa de nyid bcas kyi