[A:4]byang chub kyang / /lnga bdo'i 'gro la rjes chags mkhyen brtse'i gter/ /dus 'dir ngo mtshar mdzad bzang bcu gnyis kyis/ /rnam grol lam ston shAkya seng ger 'dud/ /gang gi bstan pa gsal mdzad byams 'jam dbyangs/ /rdo rje snying po dgra bcom nyan thos tshogs/ /rgyan drug mchog gnyis grub chen brgyad cu sogs/ /'phags yul ting 'dzin rgya mtsho bsngags par 'os/ /gangs ljongs mtha' 'khob mun pa'i smag rum du/ /bstan pa'i nyi mas phan bde'i lam ston pa'i/ /rgyal blon lo paN mkhas grub ji snyed bcas/ /rim par byon pa rnams la bdag cag dad/ /yongs rdzogs bstan pa'i mnga' bdag sa skya pa'i/ /gdung rabs rin chen phreng dang khyad par du/ /rje btsun gong ma dbang po'i grangs ldan la/ /bka' drin dran pas grangs med phyag bgyi'o/ /des gsungs mdo sngags bstan pa rin po che/ /yongs su spel mkhas g.yag rong go shAka 'bum/ /ngor rdzong gong dkar zhes grags bstan 'dzin gyi/ /skyes mchog rim par byon rnams spyi bos mchod/ /rdo rje 'chang dngos rje btsun sa skya pa'i/ /snyan brgyud mdzod 'dzin bdag chen rdo rje 'chang / /kun spangs rje dang tshar chen chos kyi rgyal/ /brgyud par bcas kyi rnam thar bsam bzhin dang / /rgyud sde'i nying khu yang phur bde kye gsang / /dpal ldan dus 'khor gshin rje'i gshed dmar nag /tshe dpag med sogs lhag pa'i lha tshogs kyis/ /'phral yun thun mong mchog gi dngos grub stsol/ /rgyal ba'i bstan srung gur mgon lcam dral dang / /stobs 'phrog dbang po nor skyong