[A:54]pa/ lugs gnyis kyi 'byor pas mngon par brgyan pa 'di ni bdag cag gi rnam par 'dren pa 'di'i yab yin lags/ cho 'brang ngam zhang rigs ni/ phyi dar bstan pa'i srol 'byed dam pa glan ye shes 'bar dang / ye shes byang chub la sogs pa dang / gsang chen rdzogs pa chen po'i bstan pa'i srog 'dzin pa/ lha rje zur chung ba'i dngos slob/ glan shAkya bzang po/ glan shAkya byang chub sogs dang / gzhan yang rgyal ba g.yung sten dang / glan bsod nams mgon po/ glan rtsod tsha nyi ma lcam sogs skyes chen dam pa du ma byung ba'i gdung rus gsang chen rnying ma'i grub mtha' 'dzin pa'i sngags rgyud glan ljongs ldan ma'i brgyud pa dang / de las gyes pa khar kha 'phir byung gi brgyud pa sogs mang du byung ba'i/ khar kha 'phir byung gi rgyud phun tshogs sgrol ma zhes g.yo sgyu med pa'i rang bzhin bzang ba/ bla ma dang chos la mos shing / las 'bras la zhib mor spyod pa/ yo byad la mngon zhen chung bas mchod sbyin la brtson pa/ gzugs dang lang tshos spras pa/ bud med rin po che'i yon tan phal cher rdzogs pa de ni bdag nyid chen po 'di'i yum yin cing / gong du bshad pa'i yab de nyid dgung lo nyer gcig gi thog gzhung zhabs rin po che'i shangs khul gyi yongs bzhes su pheb cing / de skabs rgyal yum 'di nyid kyang dgung lo nyer gcig son pa ste/ de'ang yongs rdzogs bstan pa rin po che dang / bye brag rje btsun sa skya pa'i snyan brgyud bstan pa zab mo'i srog shing bdag chen chos kyi rgyal po rdo rje 'chang blo gros rgyal mtshan dpal bzang po bltams pa nas bzung lo grangs nyis brgya re gcig pa rab nyi'i nang gi legs sbyar saM skr-i ta'i skad du bhA nu tA ra/ stod