[A:63]dang / phyag rdzas gnyis ka ha cang che ba med rung / bla ma gong ma'i byin rlabs rgyud la zhugs pas thugs dam chos spyod 'phel zhing / rje nyid la lhag par gus pa dang / sku'i sri zhu la brtson par yod 'dug pas/ dus phyi'i kyang dge rgan blo gros ye shes zhes thugs gtsigs che bar mdzad pa ni/ byas pa shes shing byas pa gzo/ /zhes pa ltar/ byas pa drin gzo rgyal sras byang chub sems dpa'i ngang tshul bla na med pa'o/ /de nas bong bu zhes pa lcags mo yos kyi lo/ /gsang chen smra ba'i chos gra chen po bkra shis chos sde'i gtsug lag khang du rmor chen rdo rje 'chang chen po'i drung du khyim pa'i rtags cha lugs rnams mchil ma'i thal ba bzhin du 'dor bar mdzad nas/ bstan pa rin po che'i sgor pheb pa'i thog mar skyabs gsum 'dzin pa'i dge bsnyen gyi sdom pa yang dag par bzhes te mtshan kun dga' legs pa'i 'byung gnas zhes stsal/ lo de'i mgo zla'i nang du rdo rje 'chang de nyid kyi spyan sngar tshar chen rdo rje 'chang rjes 'brangs dang bcas pa'i bzhed srol ltar dkar lha gsum gyi chos kyi sgo phye ste gsang chen kha'u brag rdzong pa'i zab chos srung ba'i 'khor lo rdo rje brag rdzong ma'i phyi nang gsang gsum gyi khrid kyis mtshon pa'i zab chos rgya cher gsan/ gzhan yang gong du bshad pa'i rnam thar zhal gsung ma de nyid las/ zlog med dad dang snying rje'i nor gyis phyug /thos bsam rtogs pa'i shes rab mi dman pas/ /sdom gsum rin thang bral ba'i rin chen mchog /dri med rgyan gyi phreng bas mdzes la 'dud/ /ces gsungs pa ltar/ dga' ba zhes pa chu 'brug dgung lo dgu pa'i steng du skyabs mgon rmor