[A:64]chen rdo rje 'chang de nyid kyi drung nas paN grub dbang po a bhA ya kA ra'i bzhed gzhung rdo rje phreng ba dkyil 'khor bzhi bcu zhe gnyis/ grub pa'i dbang phyug darpan a tsArYa'i bzhed srol kr-i ya sa muu nytse'i dge legs su byed pa'i dkyil 'khor gsum dang bcas pa'i dbang rnams yongs su rdzogs pa/ dbu ma lugs dang / sems tsam lugs kyi sems bskyed sogs/ zab chos bsam gyis mi khyab pa gsan/ chu 'brug hor zla bcu gcig pa'i nang du dbu btsugs te/ 'phags yul paN grub kun gyi gtsug rgyan/ grub dbang rnal 'byor dbang phyug gi bzhed gzhung / bstan pa'i mnga' bdag rje btsun sa skya pa rnams kyi yab chos/ mdo rgyud thams cad kyi nying khu/ gsung ngag rin po che lam 'bras bu dang bcas pa'i dbang khrid/ lung man ngag dang bcas pa bdag chen rdo rje 'chang chen po yab sras brgyud pa dang bcas pa'i phyag srol las ji ltar byung ba bzhin du rgyas par gsan te/ paN chen klu sgrub rgya mtshos/ tshogs par bshad pa'i drang don za zi'i gtam/ /rnam par spangs nas slob bu mchog dag la/ /gces pa gdams pa nges don snying po'i bcud/ /zab mo'i slob bshad 'khyongs bar byin gyis rlobs/ /zhes gsungs pa'i don mngon du gyur te/ chu sbrul gyi mjug dang shing rta'i lo mgo rnams la rmor chen chos kyi rgyal po de nyid kyis mkhan slob sbrags ma dang / 'dul 'dzin blo gros ye shes dang / tshul khrims rgyal mtshan gnyis kyis zhabs phyi zhus te dgung grangs bcu gcig par tshig snga ma dge tshul gyi sdom pas thugs kyi bum bzang yongs su gtams par mdzad cing / gzhan yang gsang ba 'dus pa'i smar