[A:89]lha bcu bdun ma'i dbang sogs rgya cher gsan/ rim bzhin 'og min gnyis pa dpal e wa~M chos ldan du gnas rten rnams la mchod 'bul smon lam mdzad/ 'di skabs gdan sa mkhan po mkhan chen tshul khrims lhun grub yin 'dug cing mjal 'phrad dag snang sogs kyi nges sbyor ni byung tshod mi snang / rjes sor thar rtse rdo rje 'chang gi bka' las/ chibs pa dmar po ga zhur yod pa zhig bcibs nas byon song bas dag snang dang sems 'phreng po byung gsungs pa las zhal rgyas pa ni ma byung 'dug /de nas bod yul gyi rdo rje gdan chen po dpal ldan sa skyar pheb ste/ bdag cag gi drin chen rtsa ba'i bla ma dam pa dpal sa skya pa chen po sngags 'chang bla ma thams cad mkhyen pa ngag dbang kun dga' bsod nams rin chen bkra shis grags pa rgyal mtshan dpal bzang po'i drung nas/ dpal chen rdo rje gzhon nu'i stod las byang chub sgrub pa'i dbang dang / lam dbang sogs chos bka' mang bar gsan/ yab rje rdo rje 'chang nas kyang lugs gnyis kyi sgo nas bkur bzos phun sum tshogs par stsal/ rje 'di nyid kyi mtshan la/ 'jam dbyangs ngag gi dbang phyug rgyal mtshan rab brtan dpal bzang po zhes yab rje rdo rje 'chang nas stsal 'dug pa'ang 'di skabs lta bur yin nam snyam/ gdan sa chen po'i gnas rten khyad par can rnams la mchod 'bul dang / spyi sgos kyi bstan pa dar ba'i smon lam mdzad de/ sgro mo lung du grub dbang dam pa de nyid dang zhal rgyas gnang ba'i tshul ni mkhas grub dam pa mang thos mtshan can de nyid ni mngon par shes pa la thogs rdugs mi