[A:93]dbang de nyid kyi'ang mgul khug nas gser gyi TaM ga gcig stsal te/ 'di nga la sa skya bdag chen gyis gnang ba yin/ khyed sku na gzhon pas gsan sbyong mthar phyin mdzad nas bstan 'gror phan pa mdzad dgos zhes sogs zhal ta nan tan gnang bas bla ma yab sras 'bral mi phod pa ltar gyur/ thugs 'phreng bzhin du 'dar gzhung nas rim gyis brgyud de tshar chen chos kyi rgyal po'i gdan sa 'dar grang mo che gsang sngags rdo rje'i pho brang gi shar tsam du pheb pa dang der yod dpon slob rnams kyis gnas gsar dbon rin po che yin par ngo shes te mkhan slob grwa tshang bcas nas bla brang du gdan 'dren gzhis len dang / spyi khang grwa rigs rnams kyis mjal phyag sogs zhus te/ tshar chen rin po che'i dus chen bla mchod chen mo la/ mchod 'bul mang ja rgyas par stsal/ 'du khang gseng g.yab steng bzhugs khrir gdan 'dren zhus te tshogs gzigs mdzad skabs/ gsung las/ tshar chen chos kyi rgyal po'i gdan sa 'di mthong thos dran pa tsam gyis bla ma gong ma rnams nas dgon gnas 'di lta bur bstan 'gro spyi bye brag la phan bde rgya cher spel 'dug pas nged rang kyang skal pa bzang po byung gsungs nas shin tu dgyes/ zhag shas bzhugs par gnas gzigs mchod 'bul sogs mdzad cing / brag rtsa rdo rje 'chang gi gzims spyil du gdan 'dren/ bsnyen bkur/ tshe dbang sogs bka' drin bskyangs/ de nas rmu gshongs/ mu gu lung / thub bstan dge 'phel/ cha lung rdo rje'i brag sogs la gnas gzigs mchod 'bul mdzad pa'i pheb lam du brag rtsa