[A:447]gsum nyin gnyis la rdzogs pa/ khyad 'phags mgon khang du lha brgyad kyi rjes gnang / de skabs tho rengs snga ba nas bzung sgrub mchod yan la rdo rje gzhon nu'i bsnyen mtshams sngon 'gro'i stod las rdul mtshon gyi dkyil 'khor sgrub gnang gis dbyangs nyis rdzogs sum rdzogs kyi gtor bsngo yan chad/ bde mchog sgrub mchod grol nas khal khar chos 'chad sa ma rub tsam gyi bar de nas snga 'phros bskang gso bcas srod chen zin tsam la grol bar mdzad pa sogs so skye'i blo yul las brgal ba 'phags chen byang chub sems dpa' bdag pas gzhan gces kyi rnam thar lhur bzhes 'di 'dra ni rje rdo rje 'chang de nyid la snga phyi rnam pa kun tu mang du mchis kyang 'dis mtshon par bya'o/ /nyer gsum nyin phur bsnyen la bzhugs gdan 'jags rgyu'i snga dro dkar bdud kyi rjes gnang zhig stsal te lha mchog rdo rje gzhon nu'i bsnyen mtshams la thugs gzhol ba'i tshe dkar bdud phur srung rnams dgyes pa'i rnam 'gyur du ma dang bcas zhal yang yang bstan pa'i rkyen gyis bstod pa rgyas pa 'di'ang de dus mdzad cing / tho rengs kyi cha 'ga' zhig tu srung ma de dag gis mchod pa kha gso ba dang / mchod me spor ba dang / rje nyid bzheng bar bskul ba sogs bstan srung mngon sum bran du 'khol ba'i ngo mtshar mdzad pas dus 'da' ba'i skabs so/ /de dag gi don bsdu na/ zag med bde chen mgon po'i ting 'dzin las/ /bzhengs 'phral stobs kyis mtho ba'i sa spyod mchog /zab mo'i dkyil 'khor dbyings su rjes bzung nas/ /yab mes mdzad bzang don gyi snying por zhugs/ /bstan 'gro'i phan bder 'bab pa'i zer 'bum gyis/ /ngo mtshar ltas bzang grol ba'i lang tsho