[A:454]mdzad pa rnams grub rjes gdan sa chen po dpal ldan sa skyar phebs gdong rten 'brel phun sum tshogs pa'i sgo 'phar gcig tu phye te/ 'phags chen gong ma'i spyod tshul mtha' dag bdag gir bzhes pa bla ma zhi ba lha nyid thugs bskyed kun bzang smon lam can gyis nye bar drangs te/ dngos 'bul gyi bdog pa gya nom pa dang bcas zhabs pad ga la bar bsnyegs pa'i dge mtshan gser zhal la longs spyod pa'i skabs thugs bzhed kyi chos sgo dbye bar mdzad pa la/ gza' skar shis par rje btsun sa skya pa'i yab chos rnying ma rdo rje gzhon nu lha lnga bcu rtsa gcig gi rdul dkyil du smin byed kyi dbang / smad las drag po sgrol ba'i rjes su gnang ba/ rgyab brten lung la/ phur pa rtsa dum sa skya paNDi tas shangs sreg shing du bsgyur ba/ dkyil chog rdo rje las rim rtsa 'grel/ 'grel ba 'bum nag /sa skya pa chen pos phur pa'i mngon rtogs dang las byang / rje btsun rin po che'i sgrub thabs dang tho yig /bla ma dam pa'i sgrub thabs rgyas bsdus/ dkyil chog rtogs par sla ba rnams dang / sa lotstsha ba'i brgyud 'debs dngos grub rgya mtsho/ bsnyen sgrub gsal byed bdud rtsi'i 'od can la sngags 'chang chos kyi rgyal pos mchan mdzad/ gtor bzlog gnam lcags rdo rje'i me dbal/ 'khor lo rtsibs bcu dang ltas ngan brgyad cu'i bzlog pa/ bdag shwa sa gsum gyi bskul/ a mes zhabs kyi dkyil chog dang / zhi ba'i sbyin sreg /bdag chen rgya gar ba'i dkar bdud bskang ba rgyas pa/ sngags 'chang chos kyi rgyal po'i bsdus pa/ a mes zhabs kyi shin tu bsdus pa rnams dang / dkar bdud lcam dral gyi rjes gnang lung bcas/ rje rdo rje 'chang nyid kyi gsung rtsom skor la/ las bzhi'i sbyin sreg