[A:469]su zhugs 'phral/ gang gi zhal chems bzhin gzim 'od lags nas mkha' spyod ma'i 'pho ba gsal 'debs sogs dgongs zab rdzogs thabs kyi mdzad sgo mtha' dag rje rdo rje 'dzin nyid kyi gsung gis legs par 'doms nas dgun dus kyi tshe 'jam mgon dpal ldan chos skyong dang zhal rgyas/ mgo zla'i nang tsha rong sde pa snyan grags khu bo bcas dang las chen pa sogs chos sde lho byang 'ga' zhig la tshar lugs grub rgyal tshe dbang lung bcas dang rnam 'joms byab khrus/ bde mchog sgrub mchod dang bstun gling tshang bla ma chos rgyal mtshan sogs nas gsol btab bzhin bde mchog nag po pa'i dbang / dgun chos pa rnams la lcags sdong ma/ brgya dpon sogs bsnyen mtshams pa 'ga' zhig la lam dbang / de mtshams nas khams phyogs hor khang sar dpon g.yog brgya skor rje rdo rje 'chang nyid kyi snyan grags sgra 'dzin gyi bu gar lhung pas dad pa'i yid kyi khye'u chung dbang med du khug ste dngos 'bul rgya che ba dang bcas mjal phyag la bcar ba gzhung sne shan bcas la'ang lugs zung gi bdag rkyen spyi dang bye brag bla ma zhi khro'i tshe'i dbang bskur ba bcas legs par stsal to/ /de dag gi don bsdu na/ yongs rdzogs bi rU'i nyams len gzhung shing che/ /tshad ma snyan brgyud bzhi ldan chos kyi sgo/ /thabs shes brda yis phye ba'i dkyil 'khor du/ /snod rung dam tshig ldan kun rjes su bzung / /drin gyis bskyangs pa'i skyed byed ma ma'i gsung / /gang thugs dag pa'i me long 'phos ma thag /don ldan bslu med dam pa'i thugs rje yis/ /lcags kyus 'di phyi kun tu yang dag drangs/ /shing rta'i srol 'byed rgyal tshab mi pham mgon/ /sdom brtson ngur smrig zol gyis nyer lhags nas/ /