[A:484]che'i thugs dam rten thub pa'i dbang po'i dngul sku mthong ba don ldan 'di nyid phyag tu son tshul ni/ rje nyid kyi gsung las/ 'gro ba'i mgon po chos rgyal 'phags pa rin po che'i thugs dam rten dngul sku khyad 'phags 'di me byi zla ba bzhi pa sngon ma'i tshes bdun rgyal phur gyi 'grub sbyor nyin yon tan rin po che du ma'i 'byung gnas dpal e waM chos ldan gyi rten brten par bcas pa spyi dang / khyad par thar rtse rdo rje 'chang chen po'i nang rten dngul gdung rin po che la kye rdo rje'i rab gnas 'bring po phul ba'i cho ga grub nas gling khang du 'jam mgon dpal ldan chos skyong gis kho bo mched 'khor bcas la dga' ston rgya cher stsal ba'i thog sku 'dra rin po che 'di lo rgyus dang bcas gsol ras su gnang ba dang / thar rtser slebs skabs dbon rin po che dpon g.yog rnams nas sgrol dkar gyi brtan bzhugs gnang ba sogs mdor na rab gnas la shis pa'i rten 'brel mtha' dag ma bsgrigs lhun grub tu 'grig pa'i rten khyad par can 'di sa skya pa ngag dbang kun dga' blo gros sangs rgyas bstan pa'i rgyal mtshan dpal bzang pos dpal sa skya'i sde bstan pa gdung brgyud dang bcas pa'i 'thas su khyad 'phags gtsug lag khang gi rten gras la bzhugs su gsol ba 'di bzhin ji srid bstan pa rin po che nam gnas gyi bar de srid du bzhugs pa'i phrin las mgon po che chung lcam dral 'khor dang bcas pas mdzod/ ces gsungs shing / yang de lo tshe sgrub slob dpon tsha bo blo bzang don ldan gyis phul ba'i chos kyi rgyal po 'phags pa rin po che'i phyag cha'i gras ljon dmar las grub pa'i dgang blugs kyang gtsug lag khang der sbyor bar mdzad lags/ de nas bye spe dang gangs can gnas gzigs/ sred rgod khro phu dge sdings su khrom dbang dang bla ma zhi khro/ rdzi lung dang sngon mo rdzong mdun