[A:485]rdo rje gdan par shes snying lung / de nas bya gshongs su shes phyin dkar mo'i rjes gnang dang bsam myur ma'i lung / e bar 'jam dpal mtshan brjod kyi ljags lung rnams mdzad pa mtshon don tsam du bkod pa'i sgo nas spyi dang bye brag gi gdul bya rnams rnam grol thar pa'i khang bzang du 'dren par mdzad cing / gzhan ma rje de'i mdzad pa ni nam mkha'i mtha' dang mnyam na de dus kyi mdzad pa ji snyed pa brjod pa yang de dang 'dra ba ste 'di yang gnad don du shes dgos shing / de nas sle'u dang ra ma se lung / bkra shis dar rgyas nas gdan sa chen po dpal ldan sa skyar chibs kyi kha lo bsgyur te bkra shis dang dge legs kyi dga' ston gtang rag sogs kyis dus 'da' ba'i skabs so/ /de dag gi don bsdu na/ 'dzam gling bstan 'gro'i skyed tshal sbubs yangs su/ /ngal 'tsho'i mtsho skyes 'jam mgon gzhon nu'i dus/ /lugs zung blang dor snang ba'i bshes gnyen de/ /kye ma kun gsal dag pa'i dbyings su 'dzegs/ /'on tang gsung zer zegs mas bskyangs pa dang / /gang gi thugs bskyed 'dzom pa'i rten 'byung gnad/ /phan bde'i sbrang rtsi 'jo ba'i dpyid dpal du/ /lhun grub phrin las rgyas dang lhan cig brtan/ /dbus gtsang ra yig gnyis pa'i khyu tshogs kun/ /'dod 'bras sbyin pa'i bcud kyis nyer myos te/ /dga' ba'i rnam 'gyur 'bum g.yos dar dir gyi/ /bstod dbyangs 'khor mor sgrogs pa'ang dngos po'i gshis/ /zhes kyang smras so// ! sa ga zla nang rje rdo rje 'chang nyid kyi thugs bskyed rlabs po ches ji srid bskal pa'i bar du zhal gyi dam tshig bskang gso gsar 'dzugs mdzad de de'i tshogs dbur rje rdo rje 'chang sku mched zhal rgyas su phebs shing / tshugs gong gtso gtor mdun rgyab bye nas gzhig cing gtor dar mchod me'i khar lhungs