[A:520]'khor/ rnal 'byor dbang phyug /zhang ston chos 'bar sogs dang / slob dpon rin po cher/ mnal tshe 'od gsal dag gis mnyam par 'jog /mthu stobs dbang phyug yi dam gang rung la/ /nyin mtshan gang yang the tshom gcod mdzad pas/ /zhes dang / rje btsun rin po cher/ mnal tshe chos rnams glegs bam gyi/ /tshul gyis khong du chud gyur pas/ /de yi mod la chos kun gyi/ /de nyid gzigs pa khyod la 'dud/ /ces dang / 'jam mgon bla mar/ srid pa kun tu legs par sbyangs pas na/ /rmi lam na yang chos kyi sgo rnams kun/ /dge ba'i bshes kyis dngos su 'doms par mdzad/ /ces sogs mang du gsungs ba bzhin dam pa'i khyad chos sha dag go /de nas dbyug zla'i tshes bcur 'bum thang sa paN phyi rten nyams gso gsar bskrun lta bu mdzad nas rje nyid kyi rgyun gyi phyag tsha lnga stong bzhi brgya don bdun sogs nang gzungs grangs mang bcas byin rlabs kyi gzi byin 'phro bar mdzad pa dang / mgo zla'i bde mchog sgrub mchod thog tshogs yongs la DA ma ru/ nang mchod/ 'thor snod gsar bskrun rnams sbyor 'jags kyis sgrub mchod dang dus mdos sogs kyi tshogs dbur phebs pa'i skabs so/ /de dag gi don bsdu na/ dag snang 'od gsal me long dngas pa'i mkhar/ /dam pa'i zhal mthong lung bstan chu 'dzin g.yos/ /gsang rgya dbyang rnga'i sgra grol zug rngu'i gdon/ /gdengs can dbyings su mi bzad thog gis bsgral/ /rigs bdag zhing sar dgongs pa'i char zim ni/ /mi mngon dbyings nas gzigs pa dge bas phab/ /snang brnyan myu gu bskrun tshe dge mtshan ltas/ /ci yang bzhad pa'i snye phon g.yur za ldem/ /thun gsum mnal tshe rnam 'dren mtshan mo'i mgon/ /zab chos bdud rtsi'i thigs phreng slar yang spro/ /'jam mgon phyi rten kunda gzhon nu dang / /