[A:524]tshar 'ga' zhig bcas dam ye dbyer med du byin gyis rlob par mdzad do/ /de lo gzhung zhabs rin po che nas sku rim thugs brtson 'ga' zhig gnang dgos byung ba ltar 'dir yang smin zla'i nang / rje rdo rje 'chang nas bdud 'dul phug tu bskang phrin gnad smin la zhag shas thugs gzhol/ de nas mdos chung gi tshogs dbur phebs kyang de dus mtshan 'grul bsrung dgos stabs gtor rgyag la ma phebs/ dus mdos thog sde dge gnyer pa sngo ye sogs dang hor kre bo dpon sde dge'i sras mo bcas dang / gnas gsar rje'i phyag mdzod sogs kyang 'byor pas so so'i blo dang mtshams pa'i lugs zung gi bdag rkyen dang / phyag mdzod nas bodhi'i tsitta'i phyag phreng rgyan ldan zhig phul/ de nas lha chen mkhan po chos bkra shis sogs zhal slob 'gar mtshan nyid kyi yig cha rgya bod mang pos mdzad pa'i ljags lung phon chen yang stsol bar mdzad do/ /de dag gi don bsdu na/ gnyan mgon dam tshig bskang ba'i g.yar lam du/ /mi mthun g.yul rgyal dbang lha grub pa'i mod/ /brtse chen snying po dri gtsang khang bu rgyas/ /bye ma ngan pa'i kha gnon rigs gsum rten/ /bskrun che ya mtshan ltas bcas yum mchog nyid/ /slar smin mdzad rjes gzim spyil gsar pa ni/ /byin rlabs gzi byin 'bar ba dang bcas pa/ /yang dag grub pa'i byin chags bag phebs 'khrungs/ /sngon tshe rdor 'dzin dus kyi gsang ba'i gtam/ /dag snang ngang du gleng ba'i bden tshig don/ /ji bzhin mdzad 'phral ngan rtags dbyings dengs nas/ /'char 'phar bstan 'gro'i don chen nyid la gzhol/ /zhes kyang smras so// // ! dgung grangs so bzhir byon pa chu rta dbo zla'i nang gdung rabs myur 'byon ched du dgongs rje nyid nas khyad byang mgon khang du gtor bsngo chen mo'i nang gi chos skyong tshang mar gtor bsngo brgya rtsa gsog gnang dus gong gi phyag phreng de mdzad chog byung bas phyag mdzod 'jam dpal gyis phul yang don la gnas gsar