[A:530]mkhan kha lo pa/ /sprul pa'i ded dpon sngags 'chang rdo rje 'dzin/ /dbang lha'i dngos grub shes rab stong nyid 'jing / /zhugs tshe ya mtshan mthun pa'i rlung gi ltas/ /ci yang g.yo ba'i mod du gru 'dzin rtser/ /gser khrir mnga' gsol mchod pa'i phreng bstar nas/ /dpal 'byor rgyal mtsho'i lto 'gro'i gtsug gi nor/ /rten 'brel dang bcas sa bcud smin rjes su/ /phrin las lha yis dkar phyogs ba dan dang / /las mkhan mon bu dgyes 'dzum gsang lung grol/ /dregs ldan rgyal po'ang sa 'dir bskyod cing 'dud/ /ces kyang smras so// // ! dgung grangs so lngar phebs pa chu lug rgyal po lo gsar nyin gong gi dpon la tshe dpag med lha dgu'i dbang dang / gsol sman/ mgul srung / rdo sku'i kha sarba Ni khyad mtshar/ rje nyid kyi rgyun bzhes zhal dkar 'bras sil gyis gang ba sogs stsal nang sbyar bka' mchid tshang ma snyan du lhon nges dang / tshoms chen du bla bre yol ba sogs gzabs mas mdzes shing / go babs dang bstun pa'i bzhugs stan sder kha sogs kyi thog legs bshad rigs lung gi bgro gleng bcas gra bgrig mdzad mthar dpon yab sras 'khor bcas kyis rje nyid la mgul dar sgron pa dang bstun skyabs 'jug gi rjes 'dzin zhu ba dang gang ci'i legs lam mtshams la lha mi ngo 'phrod lta bu'i 'phros yong tshul zhus shing / rje rdo rje 'chang nas kyang lugs zung gi zhal ta mtha' 'doms bcas gnang bas khong thugs 'phreng nyams 'bral mi phod pa lta bu'i spyan chab dang thugs smon yang dag mdzad pa dang mnyam du sras chung ngu des kyang sku mdun gyi gsol lcog brkos ma nas bzung ste smon lam mdzad pa sogs yab sras gnyis ka thugs tshims pa'i go 'phang la 'god par mdzad do/ /de dus 'di phyogs kha tar da lo dpon khag stobs chen sras btsun mo bcas