[A:556]lhor spos nas lha chen khyams stod mda'i g.yab steng du rje nyid/ brgya dpon/ dbu byed gsum/ mchod dpon sogs nas 'chams rgyugs bzhes/ gro bzhin tsam nas yum mchog gi 'o 'dzin g.yon snyun pa rim gyis je lod du gyur pa ljags chu dang / sman bla mched bdun klu dbang seng ge sgra sogs kyi rjes gnang grangs mang stsol bar mdzad/ phur sgrub thog sgro lung pa chen po'i nye gnas dbang phyug rab brtan nas rje de'i dung chos khyad 'phags shig phul bas rje nyid nas de ma thag 'o 'di nga'i dung chos yin gsungs shing / dbyug zla'i nang 'dzam gling phun tshogs dpal 'bar du da lta'i rten khri brkos ma bzo khyad can 'di gsar bskrun gyis sgrig par mdzad/ de skabs shig sde dge sman pa bla mas 'bul chen thog gser thig bug can zhig phul ba dang stabs mtshungs gong gi sgro lung pa'i dung chos la gser rdor/ gser dngul gyi gzungs thag mu tig sogs kyi spel bcas sgron gnang gis tshe chog gnang ba bcas gser thig kyang de gras su 'grig pas legs par bka' stsal/ de lo'i dpyid dbyar ston sogs 'di khul la rims nad yod mur gdung brgyud rin po cher yang beg ge bzhes pas mgul mi bde ba 'khrungs 'phral rje nyid nas ri khrod ma dang / ljags chu/ sku rim rnams nar mar gnang bas myur du snyun las grol bas rje rdo rje 'dzin nyid thugs spro ba'i ngang nas sgo rum nang so sogs su phebs te/ sngar sku bltams dus gtang rag la phul ba'i lha mdung la dar yug ring mo re gsol bar mdzad nas skyed lhas bsam brling gnyis la gtor spod gras su phyags legs par phebs/ mgo zla'i tshes drug gi tho rangs 'od gsal du/ si tu grongs pa'i rkyen byas sde dge blo gros rgyal mtshan nyid shin tu mya ngan che nyams kyis nag mun ne ba zhig gi ka drung na zhal byang gzigs su bzhugs te si tus