[A:557]bka' 'gyur rin po cher zhu dag mdzad pa sogs sde dger sku drin che tshul du ma gsungs shing / rta rkyang pa'ang brgyad cu tsam byin pa yin gsungs pa zhig 'khrungs so/ /de dag gi don bsdu na/ gnam lo ljon rtse'i spre'u'i gar mkhan ma'i/ /gzigs mod gra lnga'i lha mo sa 'dir byon/ /'khon rigs rtsa ba tshugs pa'i yongs 'duu la/ /zhing 'di'i legs bris gzhon nu spro gar 'bul/ /'khu ba'i tsha reg ting 'dzin g.yul ngor pham/ /'chi med ngor grub lta min sngon 'tshubs yal/ /bstan 'dabs gar 'chams byi dor byed bzhin du/ /zhal dro'i ror spyad keg sri rmeg med bcil/ /bcud ldan 'o 'dzin bskyangs dang sngon gyi gnas/ /rjes dran gsung gsang 'chi med 'dun sar grol/ /rgyal ba'i myu gur mi mthun rlung gi beg /lo ma'i gos can lha mor bzhengs te bskrad/ /ces kyang smras so// // ! dgung grangs so bdun du phebs pa shing bya rta zla'i tshes gcig nas rnam sras bskang bzla gang ma mdzad/ dbo zla nas mkhan chen chos bkra shis sogs la sa skya bka' 'bum gyi ljags lung yang tshugs shing rgyal yum zhabs 'bam gyis snyun par sman chab la phebs pas ngo je gsal du song nas bcos rnams mdzad mur zhal dro'i 'jim sku rnams bzhengs brin nas rab gnas brgya tshar tshugs dus snga dro zhig sa skya'i nub phyogs su 'ja' tshon ya mtshan can zhig shar bas rab gnas la dge ltas su gzigs/ de nas sde dge sman bla dkon mchog grags pa sogs la dbang bka' rjes gnang 'thon phyag sogs rim bzhin gnang nas snron zla'i nang mdzod 'dzin dbus phebs shig dang bstun shab chu rags la zos skor gyi 'go zug /rab gnas grol nyin sbyin bdag bsgo bar sku gdung rin po che byon thog rten gtso rnams kyi dbu thog gdugs dang sku mdun du mchod pa'i bye brag bla bre/