[A:563]gtsang ba'i gtam la rang dbang thob pa lta bu yin pas mi dbang chos rgyal sogs chen po rnams kyi dgongs par 'char ba de yang go sa chen po 'di'i bgyi ba rang thog tu babs pa na 'o brgyal tsam yod dam ka bsam zhing / gnyer dpon bgres po/ drung yig kun sangs sogs drung ser rigs/ mgron gnyes sogs drung skya'i rigs/ mkhan chen sogs grwa tshang rnams kyi khrod na'ang lugs gnyis ka nas mkhyen rlabs can rang yong dka' bas rgyu 'don spun 'don gyi bgyi bar yang 'ga' zhig mthun la 'ga' zhig mi mthun pa yang 'dug par bcas 'dzin skyong nyag phra de skabs su gang sar thar rtse rdo rje 'chang de nyid kyis legs slob nyes bcos dngos brgyud kyi sgo nas bka' drin bskyangs shing / nged rang sger gyi sgo gsum gyi bya bar gnas slob bzod pa bkra shis des yab rje rdo rje 'chang bzhugs skabs kyang bslab bya tshad med mdzad cing / rang la gdan sa'i 'khur babs pa nas bzung nyin re bzhin yang skyon yon char 'bebs ltar bka' drin che bas de skabs su ni zhe bsun yong yang ring por ma thogs par mi gral du chud cing bla go chod tsam gyis gdan sa bzung thub pa'ang de nyid kyi sku drin yin pas gang ltar rang gzhan rgyu rkyen de dag gis gdan sa chen por sku chag yong nye rang yin 'dug kyang / yab rje rdo rje 'chang chen po de nyid ni dus gsum sgrib med du gzigs pa'i rdzogs pa'i sangs rgyas so so'i skye bo'i skur bsams bzhin rnam par sprul pa zhig tu gtan tshigs yang dag pa ni/ de yang sngags 'chang kun dga' bkra shis nas lcam zung gzhon nu nas bzhes kyang rigs sras zhal gzigs shin tu dka' tshul mdzad pas spyi sgos yi mug mun gling ngu 'khyams skabs thugs rje'i rang gzugs nyi ma shar ba bzhin phebs te yab rje mchog las gsan pa rgya mtsho'i pha rol tu son/ gzhon nu nas gsan bzhes phul phyin bka' drin bskyangs te dgung lo bdun par yab gshegs pas sku na phra mo sku rkyang ngang