[A:579]byin rlabs dang bcas pa'i bkod pas dus 'da' bar mdzad nas bcu bzhi'i sdom gsum grol 'phral a li chos rje can du phebs rgyu'i bla ma rnam gsum bsko bzhag dang / mi ring bar a li chos rje dpon g.yog la 'thon phyag thog rnam kun don yod kyi bka'ang 'di ltar stsal te/ spyir chos 'jig rten gang byed kyang lugs legs dgos tshul/ khyad par chos lugs grub mtha' gang byed kyang sangs rgyas kyi bstan pa dang mthun pa'i bshad sgrub byed dgos kyang / dus snyigs pas de bzhin dkon zhing / khyed rnams nas bstan pa spyi bye brag la dar 'dod de bzhin rjes su yi rang gi gnas yin 'dug pas/ mdo sngags bstan pa spel ba'i bla ma 'phral bkod bgyis yod cing / 'dir 'byor thog kyang nang so'i nyams gso grub nas rten rnams phebs pa dang 'grig pas rten 'brel legs shing / sprul sku rang yang lo gzhon nu la mkhyen sgo yangs pas mdo sngags thos bsam sgom pa sogs hur thag mdzad pa dang / sbyin bdag rnams kyang dad zhen che ngo bcas gang sar legs lam che zhing / ma gir yang rnam dkar gyi bgyi ba yar ldan dgos lugs rnams bka' stsal pas/ sprul sku ni bcos min dad gus kyis dbang med spyan chab nyil bzhin du/ gang ci'i mtshams la de bzhin dang gnas skabs kun tu skyabs 'jug gi rjes 'dzin zhu ba sogs dad shugs kyis gdungs pa'i rnam 'gyur ci yang g.yo ba'i skabs so/ /de dag gi don bsdu na/ ngal bsos bang mdzod bdag po phan tshun gyi/ /yid mtsho byin rlabs rlabs phreng g.yo byed mkhan/ /dri bzhon dal bus bskyod la sbro dga'i bzhin/ /lbu dkar tshems phreng bstan te dgod pa bzhin/ /phal blor mi shong las mgon gzhal med khang / /'phags chen snying stobs ldan pa'i ded dpon des/ /dam can snang brnyan nor bur dbang