[A:580]thob ste/ /rten dang brten pa'i thang yangs 'di na bkra/ /shul ring mdo khams bstan pa'i yol go zhig /bstan 'dzin bcud kyis phongs tshe mdo sngags kyi/ /chu gter gsar bus phyur dus dad mos kyis/ /rab myos rnam 'gyur stong ldan 'khun sgra 'byin/ /ces kyang smras so// // ! dgung grangs zhe gcig tu phebs pas glang rgyal zla'i tshes lngar bka' khra rin po che'i dgongs don ltar/ mtha' dbus bde thabs ched bsam brling du gsung bskang rgyas pa dang / nyer bdun la nang sor gser zangs kyi rgyal mtshan zung dang srid zhi dpal 'khyil du gser zangs kyi gambhIr/ rgyal mtshan/ maNDal sogs gzungs ldan du sgron par mdzad/ rta zla'i mjug sde dge nas 'bum rgyal a 'grub sogs 'byor bar/ sgo rum bse mgon chen po'i mjal kha dang / dbo zla'i nang stod smad bla khang lam gtor gyi thog rten mjal sku tshab gzim 'od nas mdzad dus/ bse mgon chen po'i zhal gdong nang gi gseng thag rnams dang ljags bcas zhal nas phyir phyung ste sku stod 'og tsam na phan tshun gzings shing brkyang pa'i tshul gyis shin tu 'jigs shing mchis pas/ de 'phral rje rdo rje 'chang chen por snyan zhu mdzad pas/ dogs rtags rang ni gang yang ma byung / 'on kyang sgo rum du 'gro dgos gsungs phebs te gong gi gnas tshul bzhin gzigs pas/ rje nyid gsol gzim mchod gsum bcas nas phyag bsil zhal ras bdud rtsi gsol ba rnams mdzad rjes/ rje nyid nas zhal gdong nang du gseng thag rnams mdud bsdams dang / sku rgyab gyang gzer la brtan par brtod gnang dang / ljags kyi gser thag hrul ba tshon si dmar sgrim sra 'thas kyis legs par bskrun dus gsung las/ sku byings kyang gog nyams che rung re zhig gnang ba ma thob pas bcos ma nus/