[A:586]gyis kye rdo rje la brten pa'i rab gnas nyin gsum ma zhi rgyas kyi sbyin sreg sogs bka' drin che zhing / sbyin bdag bsgo bar sku gdung rin po che'i dbu g.yas zhal ngo rnams dang phyag gnyer bcas te/ de'i tshe 'jam mgon gzhon nu'i phyag tu/ rje rdo rje 'chang nyid kyi thugs bskyed kyis bskrun pa'i sa le sbram gyi khams las grub pa'i bum pa cha/ phud dam/ phud phor/ 'dren chas cha tshang gsum sogs gser spyad mang du mchis pa'i nang nas/ gser gyi phud phor g.yu khra'i rtags brgyad can phye mar gyis phyur ba dang / rje btsun drung rnams kyis sna bdun/ sna lnga/ rdzas rtags sogs kyi tsakli/ yum mchog nas gser dam zhos gang ba/ phyag gnyer sogs tshang mas zhi drag gi mchod pa bag dro ba bsnams nas rim bzhin phul te/ sbyin bdag bsgo ba/ bgegs skrod/ rdzas brgyad me long dUr bil dung sogs kyi snod pang tshad ma rje nyid kyi thugs rje las byung ba/ 'bum thang mchod rdzas su bzhugs pa de rnams bcud so sos bkang ba rim bzhin bstar te rten drung du 'bul ba sogs phyag len rnam dag gi sgo nas mdzad cing / mchod bstod grub nas phyi bskor la me tog gi char snyil bar yab rje ratna'i mtshan can gyi sku thog gi mchod phreng gcig dang / rje nyid kyi thugs bskyed kyis bskrun pa'i gnyis rnams gzhi thog nang la bsgrigs nang sor phun sum tshogs pa'i bkra shis sngon 'gro'i dril gsil/ rnga rol dung sogs kyi sgra sgrogs bzhin du nang so'i phyi bskor/ yang lam tshoms chen du rab ston gyi bzhugs khri sogs bka' 'doms sngon grub la shis brjod kyi me tog dang / tshoms chen steng / srid zhi dpal 'khyil/ kun ra skyed 'phrang sogs nas rim pas lha chen glo 'bur la 'phan nag zhal phye'i drung / sna lnga'i mchod shom rgyas pa'i mthar mchod phreng gis mdzes par bskor te/ skyabs sems nas bzung shis brjod mdzad rjes