[A:591]gling bstan pa'i bdag po sa skya pa zhes rje sa chen gyi sku thog nas bzung / deng sang gi bar du rang gis bsgrags pa ma yin par/ rgya bod mkhas grub dang gzur gnas kun gyis rang bzhin brjod du gsungs pa de/ skye dgu phal cher la rlung ltar grags pa 'di la/ ngo mtshar gyi gtso bo spyi ring nas bzung gdung rabs rin po che zam ma chad par byon zhing / gzhan yang gnas mchog 'di na 'phags bod kyi sku rten ngo mtshar can dang / bshad sgrub dar zhing rgyas pa 'di yang ngo mtshar gyi gnas yin mod/ de rnams kyi nang nas zhing 'di'i skye 'gro phal cher gyis rtogs sla ba ni/ bla chen 'phags pa rin po che blo gros rgyal mtshan dpal bzang po'i thugs bskyed dang phrin las kyis sprul pa'i lha khang chen mo 'di la/ 'dzam gling 'di nas lho phyogs shrIdhA nya ka Ta ka'i grong khyer dang / byang sham bha la'i rigs ldan pho brang 'gran zlar mchis na ma gtogs kun gyis spyod yul du rdzu 'phrul gyi bkod pa 'di bas lhag pa med snyam pa dang / dag pa'i gzigs ngor bde ba can gyi zhing khams kyang de bzhin bcas/ sa skya pa'i bstan dgra gdug can rnams kyis kyang 'di la cha shas tsam las rgol ma nus pas bskal pa'i bar du'ang rje btsun sa skya pa'i phyag tu gnas thub pa 'di la/ 'phags pa rin po che'i zhabs rjes pa rang gzhan kun gyi lus srog longs spyod thams cad zhabs tog tu 'bungs dgos nges bzhin/ de nas bzung gdung rabs dpon rabs sbyin bdag bcas kyis sprul pa'i gandho la 'di gces par skyong bar mdzad 'dug pa dang / khyad par sngags 'chang chos kyi rgyal pos rten brten par bcas la zhabs tog bla med mdzad cing / nged rang gi thog la'ang phyi nang gi spen pad nyams gso gsar bzhengs dang / sku gsung gi rten khyad mtshar grangs mang mchis kyang / thugs rten ngo mtshar can ma mchis pas 'dzam gling 'od