[A:596] lcang skya rdo rje 'chang nas gsung shog rten spam mtho bcas chibs zam brgyud phebs pa sogs rten 'brel legs shing / de dus khyams stod dkar po rnam gsum/ a mes zhabs rnams kyi 'dra skur sa zhu/ na bza' bcas 'bul bar gnang / sa bskor nyin tho rangs snga mor rje nyid nas sgo rngar phyag nas dus/ gsar bzhengs 'phags pa rin po che dang / bdag nyid chen por rgyu dbang zhal ngo nang brgyud dang / g.yu ring nas bdag nyid chen po'i bar dang / de nas dus mchod gdung rabs kyis bskor ba dang / tshe dpag med rnams gser thang / bka' 'gyur gser bris/ gsar ma'i mdo bskal bzang / rje nyid nas rnam rgyal stong mchod mdzad dus kyi mchod rten sogs sku gsung thugs rten/ rab gnas kyi chas/ rgyal chen bzhi dang stag 'dzin bsgo ba'i mchod gtor/ sna lnga'i mchod pa grangs mang rnams sa yul dog po der yangs khrol dang bcas rdzu 'phrul gyi bkod pa 'gyed nas/ cho ga dngos kye rdo rje la sbyar ba'i rab gnas 'bring po'i lugs la/ sgo rnga 'od dpag med du bskyed de rgyal chen rnams la rdo rje phur pa'i rgyal chen tho 'dzugs la gzhi mdzad sgos chos ma 'dres par sbyor gnang dang / stag 'dzin gtor bsngo sbags sgrub skabs gur lcam dral las mched pa'i gnod sbyin yab yum las/ puu tra ming sring spro ba'i pu tra dang lhan cig bskyed de mchod gtor bstod phrin gyis/ gtsug lag khang / dge 'dun sde/ sgo rnga sogs srung skyong gi gnyer dam dang sbyin bdag bsgo bar sras yum rnams phebs thog drung ser skyas legs so bcas shar mda' btang tsam la grol cing / chog mang bde mchog rab gnas kyi sbyin bdag bsgo bar yang gong bzhin sras yum dang / kye rdor gsang 'dus gnyis la sbyin bdag phyag gnyer