[A:599]dkrol ba zil chen zhig 'khrungs/ mgo zla'i nang khal kha dge slong 'tsho byed chu nad can zhig sku'i gam du bcar bar sman bla'i mdo lung sogs mdzad cing / khong rang gi lung par dge lugs chos dang gtsug lag khang sogs gsar 'dzugs bgyis par bzhugs rgyu'i rten dang / dgon ming sogs zhus 'bras thub dbang gnas bcu'i zhal thang / sman bla'i mdo/ dung dkar sogs stsal te dgon ming theg chen dbang rgyal gling du 'dogs par mdzad cing / dge slong gi lus kyang bde bar gyur te mi phyed pa'i dad pa la bkod/ zla ba de nas badzra kI la ya'i sgrub mchod skabs kyi zhal 'bag gsar bskrun du mar rab gnas kyi me tog brgya tshar stsal te byin rlabs kyi gzi 'od 'bar bar mdzad pa'i skabs so/ /de dag gi don bsdu na/ 'phags chen phrin las dag pa'i zhing khams rtser/ /'gro kun 'dren pa'i 'od kyi them skas dang / /ma rig gnyid slong chos kyi dundu bhiH /mig ldan spyad bya las gzhan rdzu 'phrul ci/ /lkog 'gyur rjen ston 'od gsal lam yangs su/ /gdon bgegs skrod pa'i dam bca' mnyel ba med/ /khams gsum dbang sdud ngo mtshar mdzad pa'i cha/ /chu zla'i rol rtsed zin pa'i cho gas brel/ /'jam mgon gzhon nu bsten mkhas spyil por drangs/ /gnyan mgon gdod ma'i rang zhal lhug par gzigs/ /mtha' 'gro'i re ba'i yol go bcud kyis phyung / /lnga bcu rtsa gcig srung ma'i byin mthu bsgrubs/ /zhes kyang smras so// // ! dgung grangs zhe gsum du phebs pa lcags yos rgyal zla'i mjug tsam gyi gzigs snang du/ rje nyid bal yul du phebs par sngar bas bag dro zhing / /mchod rten bya rung kha shor shin tu 'drongs la/ /gdugs chos 'khor rnams gser shog gis 'phral byugs lta bu'i dbyibs can zhig gzigs mur/ mi 'ga'