[A:605]mi gtsang ba'i gleng gsan 'phral nas mdos 'di gnang bzhed thun min du 'khrungs kyang / 'char 'phar rnam kun don yod kyi thugs brel spyi dang / bye brag rje rdo rje 'chang nyid kyis rje btsun sa skya pa'i sde bstan pa gdung brgyud dang bcas pa'i 'thas su/ sprul pa'i lha khang chen mo gcig pur yang shar nub byang gsum la spen bad gsar sgron/ lhor kha gso/ mtha' bskor lcags ri lcogs bcas kyi spang bad spen bad du bsgyur ba dang / thugs rten khyad mtshar 'dzam gling 'od gsal gsar bskrun/ sngon med pa'i thar pa'i khang bzang gi rtser bgrod pa'i skas ring rmad byung rdzu 'phrul gyi bkod pa 'di nyid dang / 'gro kun ma rig pa'i gnyid las slong pa'i chos kyi dundu bhiH rje btsun 'jam pa'i dbyangs kyi snang brnyan byin rlabs kyi gzi brgya 'bar ba/ rje nyid kyi rtsa ba'i bla ma dam pa yab rje rdo rje 'chang dang 'jam mgon gnas gsar pa chen po'i snang brnyan sogs mtha' yas pa zhig sprul pa'i dri gtsang khang 'di nyid na bzhugs pa dang / de dang nye bar dpal brtse ba chen po'i snang brnyan byin rlabs phul du byung ba/ khams gsum chos kyi rgyal po 'phags pa rin po che bltams khar yum gyi dbu sngas su bzhugs shing / phyis 'jam mgon bsod nams dbang phyug gi sku thog gdan sar spyan drangs pa gsung 'byon ma bzhugs pa'i rten gzhal yas khang dang / brten pa lha'i dbu thog tu gser zangs kyi rgya phibs nang rten dang bcas pa mi ring bar gnang rgyu sogs mdor na sprul pa'i dri gtsang khang 'di nyid gcig pu'i sa phyogs su yang grags che ba de snyed cig mchis na/ ngo mtshar ba'i phyag rjes gzhan dag ni so skye'i blo'i ra ba las brgal zhing / cung zad zin pa rnams lo khams so sor gsal ba bcas/ dus mdos gzabs ma'i skabs su mkho ba'i zhal 'bag gsar bzhengs la phyag nas brgya