[A:606]tshar zla gsum ma sogs kyi thugs brel gyis 'gyangs pa dang / gzhung sa mchog nas kyang gzhis rtses mtshon bod khams bde thabs su mngags pa'i rim gro rnams dang dod lhus blangs gang la gang 'tshams ye shes gzigs pas dpyad nas mdzad cing / gang na'ang grol nas zhag gsum pa'i tho rengs 'od gsal du/ mi pho mo mang pos sku nyid la dad 'dun lhag par che ba dang / bud med gcig 'chor gnyis 'chor bdun brgyad cig 'ongs nas pad bskor sogs lus kyi rnam 'gyur dod nyams dang / skad sbom phra snyoms shing bzang bas/ tshe dbang zhu la phebs zhes glu blangs te khrom lta bu zhig la brda gtong ba'i ltas 'khrungs pa ni/ spyir rgyal khams nad dogs myur du zhi ba dang / lhag par yul gru 'di nyid du bde 'jags 'byung ba dang / yang sgos rje rdo rje 'chang nyid kyi sku 'phrang 'tshubs ma zhi ba'i rtags su gor ma chag go /de lta'i skabs rgyal khams su rje nyid kyi ljags chu rims srung sogs kyis phal cher la khyab cing / gong gsal gyi thugs bskyed de dag bcas nyid kyi sku drin gyis bskyangs so zhes pa'i sgra sgrogs pas brel ba bzhin don la'ang gnas so/ /sa zla'i mjug bas si tA la sbo shog thu'i gsung mngags zhib cha bcas/ bla ma sangs rgyas don grub dpon g.yog 'byor pa rje nyid ril sgrub bcad rgya dang 'grig pas zhag 'ga' sgugs thog nas/ rten 'brel rab la bsgrig mi dgos par 'grig pa ni/ snron zla'i tshes gnyis la 'jam mgon khams gsum dbang sdud nyid kye rdo rje'i rgyud 'don la thog mar phebs dus bla ma dpon g.yog la 'byor phyag thog khong tshos/ mgul la bkra shis pa'i lha dar phul ba dang / tshes gsum nyin sprul pa'i lha khang chen mor zab pa'i yang rtse bla ma'i rnal 'byor nyams bzhes pa mdo sngags tshogs yongs kyi dbur rje yab sras byon thog /