[A:615]gyur cing / dbyug zla'i tshes bcur a li bla ma sbyin bdag ngo g.yog rnams la gsung gsang 'di ltar grol te/ a li chos rje sbyin bdag bcas rnams rang gzhan gnas skabs mthar thug phan bder bsam ste/ sde snod bshad grwa bzang po'i rgyun rje btsun sa skya pa'i bzhed pa dang mthun par 'dzugs 'dun gyis 'di nas bla ma dgos tshul byung ba bzhin gyi re 'bras don smin spyi sgos bstan pa rin po cher bya ba lhag par yang byas pa 'di ni/ rang cag rnams kyis rnyed pa'i mchog legs par rnyed pa sogs/ sngon gyi rgyal blon lo paN byang sems rnams dang / rje btsun sa skya pa'i gong ma'i bzhed srol dang mthun pa'i legs byas ngo mtshar rgya mtsho yin 'dug pas/ bla slob sbyin bdag kun la rjes su yi rang zhing / gong ma bdag po chen po/ skyabs mgon rgyal ba yab sras kyi mtshan don la phan nges kyi bya ba yin 'dug pas dga' spro rgya cher mdzod/ ces gsung gis dbugs dbyung bar mdzad do/ /smin zla'i nyer lngar lha chen gser khri rin po che gsar bskrun gyi zhal dro mgo zla'i tshes bzhir yin tshul gyi brda 'grems mdzad rgyu'i snga dro/ rgyal tshab mchog nas bsam yas sku rten pa 'phral rdzongs gnang ba'i snga dron gyi gsung shog /dngul gyi maNDal/ sa snying srang / lha gos sogs gser khri rin po cher dge ba'i la nyi gsum par 'khums/ mgo zla'i tshes bzhi'i shar mda' btang tsam la rje rdo rje 'chang nyid kyi thugs bskyed phrin las kyis/ gcig tu na lha chen sprul pa'i gandho la chen po mdzes pa'i rgyan gcig gser khri rin po che gsar bkod bsgrig rgyu'i do dam du mdzod 'dzin par bkas mdags pa bzhin legs par bsgrigs 'phral/ dung mkhan gyis chos dung rin po che gsung bskur dang bstun/ lha khang chen mo'i gser gyi rgyal mtshan rnams la nyi ma shar ba'i