[A:617]dang bcas pa'i gdung brgyud rin po che gser khri 'dir mnga' gsol ji snyed kyi sku tshe bde ldan mgon po'i ngo bor byin gyis rlabs te/ 'bru dkar gyi char nyil bzhin par rtag brtan gzhom bral gyi khri 'phangs su/ skyabs mchog yab sras rnam gsum sku gsung thugs lham me/ lhang nge / lhan ner bzhugs grub pa dang dbu mdzad che bas/ 'phags pa dkon mchog gsum la phyag 'tshal lo/ /zhes pa nas/ mjug bkra shis kyi bar rim bzhin bskul zhing / spyi sgos nas mang ja bsnyen bkur 'bul cha sogs gzabs pa'i thog /dngos 'bul dngul thog tu phab pa bsdoms dngul srang lnga stong sum brgya dang bzhi/ zho phyed bdun du longs pa bcas mdor na/ de nyin srid zhi'i dpal 'byor yod dgu cog sprul pa'i mchod sdong chen po'i gser khri rin po che ngo mtshar gsar du bzhad pa'i drung du/ ma 'ongs srid mtha'i bar gyi rten 'brel gyi legs lam bzang po dang bcas 'phos pas/ bde skyid rdzogs ldan gzhon nu'i dga' ston la longs spyod pa'i skabs so/ /de dag gi don bsdu na/ sku tshe'i ka ba tshugs pa'i gzhal med khang / /bstan dang de 'dzi dar ba'i dkyil 'khor ngom/ /mkhan slob chos gsum phrin las gandho la/ /dge mtshan bzhad pa'i blang dor g.yang du khug /sangs rgyas rnam sprul dgra bcom gnas brtan che/ /ngal 'tsho'i gnas su dpal chen he ru kas/ /chos kyi dung gi sgra chen bsgrags pa'i mgron/ /don mthun gsung gsang rna ba stong gis nyan/ /a ho sngon med bcu gsum rdo rje'i sa'i/ /khri 'phangs mthon por zhabs zung bkod do zhes/ /dkar phyogs lha srung dgyes pa'i mtshan ma 'bum/ /lhun grub rgyun mi chad pa'i drin can rje/ /zhes kyang smras so// // ! dgung grangs zhe drug du phebs pa