[A:632]dang me lcags 'gugs/ 'jam mgon gsung bshad pa'i sku mdun g.yon ngos su sku yon pa/ de nas tshogs bral rnams la chos sde lho byang / chos lhun pa sogs dang / brgya dpon g.yas nas bla rigs bya chu ba rnams/ gzhan yang khal kha thu she ye thu rgyal po'i mi sna e rte ne jo bo'i dge bskos blo bzang chos grub pi lig thu dang / mi sna gzhan ye shes rab rgyas/ lo tstsha ba bcas dang / sngon gyi bu chen gras bdag chen shar pa kun dga' ye shes lhun grub/ sde dge sku tshab mtshon byed phur pa bla gsar/ glo bo rgyal khab nas byon pa mtshon byed gnas bskor ba/ dbus phyogs nas gong dkar gnas bskor ba/ khams phyogs nas bde gling grwa rgyun dang gser can grwa bskor ba/ mnga' ris nas byung ba mtshon phyir stag mkhar gnyer rnying / lho phyogs nas byung ba mtshon pa'i grwa rgyun gnyis/ byang phyogs nas byung ba mtshon pa'i mus pa rgyugs 'bul ba sogs/ gtsang phyogs nas gzhi grwa/ chos lhun/ skyed tshal/ bya gshongs pa bcas 'dus pa'i thog mar/ bstan srung yus pa lta bus bser bu phran bu ldang zhing / 'jam mgon mchog nas gsung bshad tshugs pa dang gnam gshis kyang 'jam la/ grol khar chos char nyil ba sogs kyi dge mtshan dang ldan bzhin par/ nyin dang por gsang phu ba'i skor cha'i gras la rig gter/ sdom gsum/ so thar skabs dang / gnyis pa bzhi pa'i skor cha'i gras la mngon rtogs rgyan dang / sdom gsum sems bskyed skabs dang / gsum par ngam ring ba'i skor cha'i gras la sdom gsum skabs gsum par gsung bshad mdzad cing / de lta bu'i rgyun yang sngon sngags 'chang chos kyi rgyal po'i sku thog la 'jam