[A:637]gdung rabs srid mtha'i bar chad med 'byon pa'i rten 'brel gyi ched du/ dus mchod nas bdag nyid chen po bzang po dpal mchod phreng sogs sngon 'gro'i sgo nas gdan drangs/ gzhan yang bka' bstan/ sa skya bka' 'bum/ dbang khang nas bde gshegs mchod rten brgyad/ tshe bum bcu gcig sogs dang / mtha' bskor du sna lnga'i mchod tshogs dang bcas bcom ldan 'das snying po kye rdo rje'i rab gnas sgrub zhag lnga'i grol nyin sbyin bdag bsgo bar zhal ngo rnams dang / phyag gnyer sogs phebs shing / cha zhabs khams drung nas gzhas bcas phyi bskor la me tog 'thor bar mdzad tshul yang / chos khri skor/ de nas 'chams khang steng brgyud ka bzhi/ ka drug /'phel rgyas steng 'og /tshong dpon shag /khro khang steng 'og sogs gsar bzo rnams dang / rim gyis mdzo mo sgang sogs nas par bskor rgyal po sgang brgyud dpal 'byor rab rgyas/ bzo khang gsar pa/ de nas lha chen 'phen nag la mchod 'bul sogs rgyun bzhin phyi bskor grub nas/ gsung bsngo/ dga' ston rgya che ba dang / sbyin sreg sogs mdzad/ de'i sang nas rgyun gyi sgrub mchod dang bcu dgu nas nyer gnyis bar 'chams rgyugs dang / rgyal yum mchog nas rgyal gsung bka' 'gyur rin po che zhal dbye ba/ nyer gsum nas phur bzlog /'jigs byed/ zhal gyi gtor bzlog rnams tshugs pa'i skabs so/ /de dag gi don bsdu na/ rigs kyi bdag po zhal gzigs ma dros klung / /'jam mgon gzhon nu 'khor lo gsum ldan dang / /bzang po'i yul dang chos kyi sbyin yul te/ /rnam bzhi'i lam nas 'bab pa'i ngo mtshar la/ /mgron gyi zol du lhags pa'i che dgu kun/ /gsung gsang brgyad ldan zhi bsil dag byed ni/ /'khor ba'i tsha gdung sel ba'i khrus mchog