[A:653]skyor ba rnams nas sngon mtshugs dus ji bzhin dang / bsnyen bkur/ ston mo/ /'gyed sogs yang dag bka' yis 'doms te/ log par smra ba tshar gcod pa'i bstan bcos chen po tshad ma'i gzhung lugs grub mtha' phyi nang gnyis kas zhal gyi bzhes pa las/ nang pa'i gzhung lugs rgyal ba'i bstan pa rin po che dag par bsgrub pa'i ched/ dgra bcom pa chos skyob la sogs pas 'phags yul du rig gzhung rnams dag spel bar mdzad mod/ de dag las kyang ches khyad par du 'phags pa ni/ dpal ldan chos kyi grags pas rgyas pa'i bstan bcos tshad ma rnam 'grel zhes/ tshad ma'i bstan bcos rnams kyi nang nas mchog tu gyur pa 'di nyid/ sngon gyi lotstsha ba chen po rnams kyis ljongs 'dir bsgyur zhing / bshad pa'i rgyun bzhugs pa ltar yongs rdzogs bstan pa'i mnga' bdag rje btsun sa skya pa chen po kun dga' snying pos/ dpal me dig pa dang / mes lhang 'tsher ba sogs las tshad ma gsan pa dang / rje btsun rtse mos phya pa chos kyi sengge sogs la gsan cing / de bas kyang phul du gyur pa 'jam mgon sa skya paNDi tas/ rgya bod snga rabs pa dag gi log rtog rnams lung rig gis bsun phyung nas/ chos kyi grags pa'i dgongs pa 'khrul med du skyong bar mdzad pa sogs sa skya pa'i yab chos gras rang yin pas na/ ring mo'i dus nas rje rdo rje 'chang chen po nyid kyi dgongs bzhed thun mong yin par gdung brgyud rnams dang / 'dir bzhugs tshad ma pa rnams la gzhung skyor zhig byung na ci mi rung dgongs pa dam pa'i thugs bskyed mngon du gyur to/ /de lo'i phur sgrub la rje nyid nas rje btsun sa skya pa'i bstan pa rin po che'i zhabs tog tu gos bzang dgu las bsgrun pa'i phod ka /rdor gong / gos bem/ ral phod sogs bgrangs yas rnams thog mar bzhes te 'chams par mdzad do/ /de dag gi don bsdu na/ dbang lung man ngag 'khrid kyi chu gter cher/ longs su spyod pa'i 'khon rigs dzahnuH legs bshad zhal skyugs tshad