[A:657]rgyas/ mgon khang mtshan thogs/ bon gyi phya 'gugs/ sgrol ma dang gser 'od mtshan 'don/ rnam rgyal stong mchod sogs rim gro rgya cher sngon 'gro'i dmar phyogs dga' ba gnyis pa'i srod kyi cha mkha' 'gro 'dul ba'i dus kyi tshe gsang khog tu da lta'i bdag mo 'di nyid phebs shing mtshan gyi mnga' gsol yang rje nyid kyis stsal lo/ /zla ba de nang bstan dgra gdug pa can sku gnyer du rdzu ba tsha bo dang bcas nas las ngan ji snyed cig bsags pa la brten drug cu pa'i gtor bzlog gcig kyang gnang / mgo zla'i dgun chos thog rje nyid kyi bka' bzhin 'jam mgon dbang sdud snying po'i zhal snga nas dbu ma thugs mtshor zhugs pa'i gsung bshad kyi dga' ston yang lhug par stsal to/ /de dag gi don bsdu na/ dus grangs mtshan ma'i bsam gtan spyil po'i ngogs/ /phyi nang gsang ba gdod ma'i lhag pa lha'i/ /rang zhal rjen par gzigs pa'i drin can rje/ /bdag med lha mo'i bdag las gzhan na 'khrul/ /snang stong sgyu ma lta bu'i thabs mkhas kyis/ /las can dag pa'i 'khor rnams phyag rgya che'i/ /khang bzang rtse mor 'khrid pa'i blang dor la/ /sna tshogs rgyu 'bras chos sbyin mdzub mo'i 'phrul/ /de lta'i gzhal yas steng du rten brten pa'i/ byi dor gtsang ma'i pho nyas bkug pa'i mgron/ /mtshan gsum rigs kyi thig le'i 'byung khungs shig /theg chen dbu ma chen po'i lam nas byon/ /ces kyang smras so// // ! dgung grangs nga gnyis su byon pa lcags byi rgyal zla'i nyer dgur zur 'chad grub dbang dam par bka' 'doms bzhin/ sngon dus bdag chen rdo rje 'chang bla brang shar na bzhugs skabs shig /gdan sa 'dir rgya 'dre mang po zhig lhags nas sgar rgyab/ gdugs nyi 'og tu slebs pa tsam byas nas gdan sar g.yon bskor byas dus/ 'khrugs pa sogs mi mthun pa yong 'dug pa de/ drag po sngags rgod kyi spyan dmigs kyis tshar bcad pa'i lo rgyus mchis pa bzhin/