[A:689]par/ 'jigs byed bcu gsum mar lugs thun mong ma yin pa'i dbang grangs mang / sgrub thabs brgya rgyam/ grub chen brgyad cu/ snar thang brgya rtsa/ nyi sbas dang jo lugs sgrol ma nyer gcig /mgon po'i dbang chen lnga dang de'i rjes gnang zab mo'i rigs rnams dang / phyi 'khrid 'phro can rnams gtso bor smos/ chos kyi 'khor lo nyin mtshan khor mo yug tu ngal med bdag gzhan brje ba'i thugs bskyed kyi dam bca' g.yel med nas/ bskor bar mdzad pa 'di gcig pu'i sku drin yang bskal pa rgya mtshor khyer mtha' mchis min shes ldan gzur gnas dag gis dgongs 'tshal lo/ /de ltar na rje 'di snyigs dus kyi rgyal ba gnyis pa 'jam dbyangs mi'i zol can mngon sum yin pa'i gtan tshigs kyang kun dang mthun grub tu 'di lta ste/ nyin mtshan bar med du chos 'khor ji snyed bskor ba'i tshe'ang / gzhan dag ni yun ring du dpe sbyong sngon 'gro'i sgo nas chos 'chad la 'jug kyang / rje 'di ni gsung ngag slob bshad kyis mtshon dbang khrid rjes gnang kun/ dpe 'di dang 'di lta bu'i thog nas yin no zhes 'doms pa mtshon byed dpe spyan lam du phab tsam las gzigs yul ye mi dgos shing / phyag len rnam dag gi rgyun ma nyams pa gsung lam kho na nas shar mar gsung rgyun phyag len bcas 'di dang 'di lta bu yin no/ /zhes 'doms pa dang mnyam du stsol bar mdzad pa'ang deng sang gi skye bo kun la rlung ltar grags pa 'di'o/ /dbyug zla bkra shis zla gang bla brang zhabs pad mchog gi bka' bzhin/ sgo rum ye shes mgon po'i sku drung du/ gang gi rgyal tshab dam pa 'jam mgon zhal rnam pa gnyis rgyun thebs dang / bco brgyad sku mched nas bzung dge 'dun res bskor gyi brgyad gras bskang phrin gnad smin zhu dgos bka' gsang gi 'doms nas grol 'phral rtags bzang ngan rnams kyang gab sbas dang