[A:693]bgyis kyang ngal ba 'bras med du song ba mang zhing / rje rdo rje 'chang chen pos de dag rnams la blang bya lta bur mdzad pas gnas skabs de'i tshe ci yang ma skyon khar cung zad bder song ba'i tshul gyis gtor bzlog mthar phyin du gnang ba 'di ni/ grub pa mchog gi sa la bzhugs pa'i mdzad pa 'di lta bu'o zhes skye dgu kun la 'doms par mdzad pa dang chabs gcig chos kyi phyir du sku srog phongs med de tsam du ma zad rnam pa kun tu bzhi mdo'i rtsa bzhin 'dor bar mdzad nas/ skad cig tsam yang dal bar mi bzhugs pa'i brtson 'grus kyi phar phyin rdzogs pa'i thabs zab mo las nam yang g.yel ba med pas/ gdul bya mtha' dag la brtson 'grus kyi lcag gis bskul ba 'di las gzhan du ma dmigs lags/ ljags bsnyen gyi skabs dge mi dge'i mtshan ma mang du 'khrungs pa ni gor ma chag kyang / rje rdo rje 'dzin chen po de ni/ 'jam mgon bla mas/ chu phran rtag tu ku co che/ /rgya mtshos ca co ga la sgrog /ces gsungs pa ltar gnas skabs dus skabs dang bstun par mdzad nas gzhan dag la cher bka' mi stsal zhing / nyid kyi gsung las kyang / kho bo'i gsang gtam logs su 'chad par spro ba'i gsung mu bzhin snga phyi kun gyi gsang 'os 'ga' zhig /rje nyid las gzhan du cher ma grags sam snyam zhing / 'on kyang ljags bsnyen de'i skabs shig mi dkar po zhig gzigs skar nas 'ongs te rje nyid la mtho mtshams byed nyams 'di ni snga mo zhig nas resaX meX phungaX duX sprulaX/ res mi gzugs su byas te 'ong skad thos pa de'i cho 'phrul zhig yin 'dra zhing me phung du byung ba'i tshe gzhan thabs gang gis kyang kho mi 'gro zhing rje nyid nas rtag chad mtha' bral dbu ma chen po'i dbyings su mnyam par bzhag 'phral me phung de gzigs skar la song ba zhig snga mo nas byung ba dang / yang dngos nyams dang 'od