[A:711]sde bzhi dge bcu'i rgyal khab gangs ri'i bdag /sras lcam yum dang btsun mor bcas pa yis/ 7 /dad pas kun nas bslangs pa'i lhag bsam gyis/ /phyi mo gcig las du ma 'byung ba'i 'phrul/ /sbyor dngos rjes gsum dag pa'i 'du byed kyis/ /mthun rkyen ma tshang med pas legs par bsgrubs/ 8 /dge ba des mtshon dus gsum bdag gzhan gyi/ /bya byed dang 'brel dge tshogs gcig bsdoms te/ /'gro kun rnam mkhyen sku bzhi'i go 'phang mchog /'thob rgyur yongs bsngo rnam par dag gyur cig 9 /gnas skabs su yang tshe dpal 'byor pa sogs/ /srid zhi'i dpal kun ma tshang med pas 'byor/ /bar chad bgegs dgra nang 'khrugs mi mthun phyogs/ /ma lus ming gi lhag ma nyid gyur cig 10 /dam pa'i rnam par thar la rjes slob cing / /dam pa mchog rnams mnyes pa'i spyod la 'grus/ /dam pa mchog gis rjes bzung rnam grol nas/ /dam pa'i thugs dang ro gcig dbyer med shog/ 11 sarba mangga laM siddhintu// //dge'o/ / #/ /skyabs kun 'dus zhal rnam 'dren srid zhi'i mgon/ /bka' drin mnyam med kun dga' blo gros kyi/ /ngo mtshar rnam thar gsol 'debs legs byas kyi/ /gtam bzang byin rlabs bdud rtsi'i zil dngar bzhugs// // ! bod skad du/ mkha' khyab chos sku dbyings kyi pho brang nas rig pa rang mdangs kyi gsal snang rdzogs pa nges pa lnga ldan gyi thugs rje rtog med lhun grub gang 'dul gyi rol pa shar ba ngag dbang kun dga' blo gros sangs rgyas bstan pa'i rgyal mtshan dpal bzang po'i rnam thar gsol 'debs legs byas gtam bzang byin rlabs bdud rtsi'i zil dngar zhes bya ba/ skyabs gnas kun 'dus grub gnyis stsol