[A:712]ba'i zhabs kyi padmor phyag 'tshal lo/ /dpag yas rgyal kun mkhyen pa'i chu gter las/ /brtse ba'i thugs bskyed bstan 'gror 'dod pa dgu/ /'jo la nus mthu grub pa'i bsam 'phel dbang / /kun dga' blo gros zhabs la gsol ba 'debs/ /nges par rdo rje snyems bdag ngang tshul las/ /g.yos min mi chad lhun grub phrin las kyis/ /'jam mgon dpa' bo nas bzung sgro lung par/ /sna tshogs sprul pa'i zlos gar sgyur la 'dud/ /slar yang mtshan mchog gsum ldan gdung rigs su/ /sa spre'u snron zla'i yar tshes lhums zhugs nas/ /sa bya dbo zla'i yar ngo dga' gsum la/ /bstan 'gro'i mgon du phebs la gsol ba 'debs/ /de tshe nyid kyi yon tan mthu nus kyis/ /skyed byed yum gyis lkog gyur mkhyen pa sogs/ /dngos nyams 'od gsal gzigs snang ngo mtshar gyis/ /dus kun 'da' bar mdzad la gsol ba 'debs/ /bltams tshe gzim spyil btsun mor 'ja' 'od dang / /me char nyil dang 'obs nang 'jam dbyangs kyi/ /me tog gsar 'khrungs dang bcas phebs 'phral nas/ /thugs dran mtha' dag gsal la gsol ba 'debs/ /gzhon nur gyur kyang phal spyod mi mnga' zhing / /gsung gsang dang por 'jam dbyangs gzungs sngags bton/ /sgam zhing des la byas shes drin du gzo/ /'jam mgon gzhon nur gyur la gsol ba 'debs/ /bgrang bya dgu dang bcu nas nyer bzung ste/ /yi dam zhi khro'i dus grangs mtshan bsnyen dang / /'khor lo gsum ldan khrir phebs rab byung dang / /sngags 'chang dgos don bsgrubs la gsol ba 'debs/ /