[A:713]yongs 'dzin bcu phrag bzhir nyer gsan mthar phyin/ /bsam byung rig pa'i rang rtsal thol byung grub/ /sgom sgrub nyin zhag phrug rer nyer bdun brtsams/ /gsan pa'i bya bar gzhol la gsol ba 'debs/ /'chad la 'jam pa'i dbyangs kyi spobs pa rdzogs/ /rtsod na phas rgol 'joms pa'i mthu stobs bdag /rtsom pa mkhas pa'i yid 'phrog thugs rje'i mgon/ /mkhas pa'i bya bar gzhol la gsol ba 'debs/ /gang tshe gdul bya rjes su 'dzin pa'i dus/ /gzigs pa tsam gyis tshig don thugs chud de/ /gsung lam kho nas skal ldan nyin mtshan kun/ /bar med chos 'khor bskor la gsol ba 'debs/ /gsar bskrun nyams gsos bstan la byi dor dang / /gan mdzod phyur dang dbul phongs sbyin gtong dang / /tshul khrims dri zhim bzod bsran mgo me lta'i/ /brtson 'grus mtha' ru phyin la gsol ba 'debs/ /bskyed rdzogs mnyam gzhag nyin mtshan dus 'da' zhing / /ma 'dres so sor dpyod pa'i shes rab bkra/ /rnam bzhi'i sbyin pa snyan smras 'khor bsdus nas/ /don spyod don mthun 'gro rnams skyong la 'dud/ /dngos nyams 'od gsal gzigs snang dang 'grogs nas/ /'gro ba'i khams dang bsam pa bag nyal gyi/ /rgyud tshod ji bzhin mkhyen pa'i mngon shes kyis/ /dus gsum shes bya gzigs la gsol ba 'debs/ /zhi dul thugs rje'i chab kyis 'gro blo sbyangs/ /chab srid mnga' thang bla chen 'phags ltar rgyas/ /snang srid lha 'dre mi gsum dbang med 'dus/ /dgra 'dre'i