[A:345]sras bsod nams blo gros dang / sku 'bring ni chung ngur gshegs/ grags pa rgyal mtshan te rnam pa gsum gyi phyi ma yab gshegs pa'i me byir bltams nas zhe gnyis sa sbrul gshegs pa des chos rje/ gcen brag phug pa/ mnyam med pa sogs bsten nas zhal slob mi gsal ba de'i btsun mo dang po lha rin mar kun dga' legs pa'i blo gros dang / rnam sras rgyal mtshan mched gnyis byon/ gnyis pa stag tshang sras 'dren mar 'jam dbyangs chos rgyal bltams pa las rnam sras rgyal mtshan yab nyer lnga pa lcags byir 'khrungs shing zhe dgu sa byir gshegs pa des chos rje bla ma/ bsod nams blo gros sogs bsten cing zhal slob mi gsal ba de'i btsun mo dang po rta nag gru gur dbang kun dga' legs pa'i blo gros dang / gnyis pa yar 'brog bsod nams 'bum la yab bzhi bcu sa yos lor nam mkha' legs pa 'khrungs shing zhe drug shing byir gshegs pa des 'brom ston seng ge sogs bsten cing zhal slob kyang mang du yod snyam zhing sku mched du gtogs pa'i lcam lnga'ang 'khrungs/ btsun mo dang po yar 'brog dpal chen la lcam gnyis dang / gnyis pa mi nyag btsun ma skyid la nam mkha' rgyal mtshan yab so bdun shing yos lor 'khrungs nas nyer dgu chu lug lor gshegs pa de'i bla slob mi gsal zhing lcam lnga'ang 'khrungs/ btsun mo dang po shangs mthong smon rgan par lcam gcig gzhon par slob dpon chen po rin rgyal ba 'khrungs/ gsum pa gnam gling dpal 'byor bzang mor yab nyer bzhi sa stag la nam mkha' bkra shis 'khrungs shing zhe drug chu phag la gshegs pa des stag tshang lotstsha ba/ mi nyag grags rdor sogs bsten cing zhal slob kyang du ma byon/ btsun mo dma' ze hor mo tshe brtan gyi sras su sa lo kun dga' bsod