[A:351]gyur pa'i dpal sa skya pa chen po sngags 'chang bla ma thams cad mkhyen pa ngag dbang kun dga' blo gros sangs rgyas bstan pa'i rgyal mtshan dpal bzang po zhes snyan pa'i ba dan khor yug ri bo'i khongs su'ang rgyu ba de nyid ni/ yab rje nyer lnga sa byar 'khrungs tshul rgyas pa dang dbu bla sogs 'og tu rim gyis 'byung zhing / nga lnga chu yos la bde ba nas bde ba'i dbyings su phebs pa de nyid kyi btsun mo dang po ru thog chos lung rgyal po'i sras mo phun tshogs tshe ring mar lcam gcig 'khrungs/ gnyis pa ni/ sku drin nam yang 'khor med bskal bzang bde skyid bu khrid ces sems ma'i ngo bo yab rje chos kyi rgyal po chen po de nyid dgung grangs so lngar phebs pa/ nyi ma zhes pa chu mo lug gi lor skyabs mgon khams gsum dbang sdud ngag dbang kun dga' dpal ldan chos skyong bkra shis grags pa rgyal mtshan dpal bzang po 'di nyid dang / dgung grangs so brgyad du phebs pa mi zad ces pa mi khyi lor skyabs mgon srid zhi'i phan bde'i mdzad po ngag dbang kun dga' phan bde rgya mtsho theg mchog bstan pa'i rgyal mtshan dpal bzang po 'di nyid bcas ngo mtshar bkra shis kyi mtshan mas tha grur dkrigs te bstan 'gro'i dpal mgon chen por bltams shing / ji srid 'khor ba ma stongs kyi bar du gdung rabs rin po che chu bo'i rgyun ltar 'bad med lhun grub tu 'byung zhing sku tshe mdzad phrin bzhed dgongs mthar phyin par 'gyur ro/ /de dag gi don bsdu na/ phyag na padmas gdul zhing kha ba'i ljongs/ /bde skyid chu klung 'dren pa'i dam pa'i khyu/ /zo chun 'khyud mo'i rnam par grub mod kyi/ /gcig tu zas gtsang sras de'i thugs bskyed grogs/ /mnga' ris sa 'dzin gtos su gangs can 'di'i/ /bsod nams mgron du gnam lha dkon mchog gsum/ /gtsang ma chos kyi 'bab rgyun spyi rje las/ /stag mtshan nyi zla gnyis rnams bar