[A:353]rgyun/ /dus gsum mchod pa'i rten gyi bla brang gdung / /rgyal bstan bdag por lhun grub rgyun mi chad/ /dge legs dpal gyi phrin las bla na mtho/ /zhes kyang smras so/ /!gsum pa gdung rabs de rnams kyi nang nas skabs su babs pa/ gang nyid yum gyi lhums su zhugs pa dang sku ji ltar bltams pa'i tshul ni/ rgyud bla ma las/ ji bzhin yang dag mthong ba'i phyir/ /skye sogs rnams las 'das gyur kyang / /snying rje'i bdag nyid skye ba dang / /'chi dang na dang rga ba ston/ /zhes gsungs pa bzhin rten rgyal ba bskyed pa'i yum mchog dam pa bsod nams dpal gyi dbang mo de nyid la/ brten pa 'jam mgon srid zhi'i dpa' bo gang 'dul sgyu ma'i rol rtsed mkhan de lhums zhugs snga rol dang bcas pa'i ltas bzang ngo mtshar can mang po 'khrungs pa dang / dge mtshan mngon par gsal ba'i ngang nas gzugs sku 'dod 'byung dbang gi rgyal po 'dzam gling bstan 'gro'i dpal mgon du bzhengs pa'i tshul ni 'di lta lags/ chu yos chu stod tshes lnga'i tho rengs yum gyi mnal ltas su sa skya nas mgron gnyer kun bzang dbang po yin zer ba'i rgya lu chas la dar dmar thod can zhig nas khyed gdan sar yong dgos zer bar ci yin gsungs pas/ rigs gsum lha khang gi sku gnyer byed dgos yin 'dug zer/ kho mos mchod bshams yang mi shes pas dgongs zhu mdzod gsung bar de 'dra ma zer sngon nas bskos pa yin pas/ dgongs pa zhu re med zer nas phyag mdud dmar ljang dkar gsum phul zhing / gtsug lag khang de gang na yod gsungs pas sgrol ma'i gtsug lag khang gi steng na yod zer ba 'khrungs pa'i sang de gnyer tshang ba rnam sras nas 'gro mgon yab yum la sras mo sa skyar 'byon dgos tshul zhus/ de nas 'byon grabs skabs mnal lam du/ jo bo sku rgyab zer ba'i ri 'gram sher gling zam pa'i thad