[A:364]gzigs pa ni dur khrod bdag po'i 'chams mdzad pa de dang / yang 'chams sku yin dgongs pa de 'dra lho gzigs la 'byon pa'i gyon mi rnams kyis stag lhwam bsam yas chos skyong gi zhabs 'chags 'dra ba gyon pa dang / yang gzim chung lho'i glo skar de nas gzigs pas 'khris kyi grong ba dpon to pa'i mthongs khung lho der gra ba mgo med cig 'gul 'gul byed pa'i gzigs snang rnams kyang thugs dran gsal ba ste dgung grangs gnyis pa'i lo rgyus dang // // ! dgung grangs gsum pa lcags phag lor zhabs kyis bcags pa las gog po 'gog pa sogs mi mdzad cing / gsung 'byon pa'i thog ma yang rje btsun 'jam pa'i dbyangs kyi gzungs a ra pa tsa na dhIHzhes bod skad du 'gro ba smin par byed pa'i blor 'gyur ba de nyid gsungs shing / tshul 'di ni sngon dus mi thub zla ba'i rnam sprul slob dpon rin po che bsod nams rtse mo 'khrungs ma thag /kho bo ni byis pa'i spyod pa las 'das pa'o/ /zhes lan gnyis gsum bstud mar gsungs pa dang mtshungs pas/ gzur gnas dam pa rnams rnam thar 'di kho nas kyang thugs dad dbang med du 'khrungs par 'gyur lags/ de skabs yum mchog la snyun gzhi thu mo zhig bzhes dus de'i sku rim mdzad nyams kyis/ btsun mo'i thab tshang de them pa shin tu mtho yang de la brten bcas nas sku stod phyir rmyang mdzad de them phyir ja shog ser po ling ga'i tshul bgyis/ hU~M mdzad phyag rgya bca' ba'i stangs ka byang chub mchog rgya 'dra ba gnang ste/ sangs rgyas kyi bka' bden pa dang zhes sogs gsung mur dgug gzhug gi rnam pas shog bu bzhes te thab sgor sreg par mdzad pas yum mchog kyang myur du snyun las grol ba sogs ngo mtshar grub pa'i mtshan mar gzhan dring mi 'jog pa ni de dus nas ka mnga' zhing / sku'i na bza' yang dkar dmar gnyis las gzhan mi bzhes pa ni/ slad nas rab byung dang sngags 'chang gnyis char rim pas mdzad dgos pa'i lkog